Begin typing your search above and press return to search.
proflie-avatar
Login
exit_to_app
exit_to_app
കൊവാക്​സിൻ വിലയുടെ അഞ്ചുശതമാനം ഐ.സി.എം.ആറിന് റോയൽറ്റി​; ആ തുകയെങ്കിലും കുറക്കാമായിരുന്നുവെന്ന്​ ആവശ്യം
cancel
Homechevron_rightNewschevron_rightIndiachevron_rightകൊവാക്​സിൻ വിലയുടെ...

കൊവാക്​സിൻ വിലയുടെ അഞ്ചുശതമാനം ഐ.സി.എം.ആറിന് റോയൽറ്റി​; ആ തുകയെങ്കിലും കുറക്കാമായിരുന്നുവെന്ന്​ ആവശ്യം

text_fields
bookmark_border

മുംബൈ: രാജ്യം സ്വന്തമായി ഉൽപാദിപ്പിച്ച കോവിഡ്​ വാക്​സിനായ കൊവാക്​സിന്‍റെ വിറ്റുവരവിന്‍റെ അഞ്ചു ശതമാനം ​ഇന്ത്യൻ ​കൗൺസിൽ ഓഫ്​ ​െമഡിക്കൽ റിസർച്ചി(ഐ.സി.എം.ആർ)ന്​. ആറു മാസത്തിൽ തുക കണക്കാക്കി കൈമാറണമെന്നാണ്​ വ്യവസ്​ഥ. സ്വകാര്യ വിപണിയിൽ 1,410 രൂപ വരുന്ന കൊവാക്​സിൻ നിലവിൽ ഇന്ത്യയിൽ വിൽക്കപ്പെടുന്ന ഏറ്റവും വില കൂടിയ കോവിഡ്​ വാക്​സിനാണ്​. ഭാരത്​ ബയോടെകാണ്​ നിലവിൽ വിപണിയിലെത്തിക്കുന്നത്​.

ഇതുവരെയായി രാജ്യത്ത്​ അഞ്ചു കോടിയിലേറെ കൊവാക്​സിൻ​ ഡോസുകൾ നൽകിയതായാണ്​ സർക്കാറിന്‍റെ 'കോവിൻ വെബ്​സൈറ്റ്​' കണക്കുകൾ പറയുന്നത്​. മരുന്ന്​ വികസിപ്പിക്കുന്നതിനും ക്ലിനിക്കൽ പരിശോധനക്കുമായി കേന്ദ്ര സർക്കാർ 35 കോടി രൂപ മുടക്കിയിരുന്നു. ഇത്​ കണക്കാക്കിയാണ്​ അഞ്ചു ശതമാനം റോയൽറ്റി ഐ.സി.എം.ആറിന്​ നൽകുന്നതെന്നാണ്​ വിശദീകരണം. എന്നാൽ, ​സർക്കാർ 35 കോടി മുടക്കിയിട്ടുണ്ടെങ്കിൽ ഭാരത്​ ബയോടെക്​ 650 കോടി മുടക്കിയിട്ടുണ്ടോയെന്നാണ്​ വിദഗ്​ധർ ഉന്നയിക്കുന്ന ചോദ്യം. സർക്കാറും സ്വകാര്യ കമ്പനിയും തമ്മിൽ ഈ വിഷയത്തിൽ ഒത്തുകളി സംശയിക്കണമെന്ന്​ ജൻ സ്വാസ്​ഥ്യ അഭിയാനിലെ അമൂല്യ നിധി കുറ്റപ്പെടുത്തുന്നു.

സർക്കാർ പണം മുടക്കി നിർമിച്ച മരുന്ന്​ സ്വകാര്യ കമ്പനി വലിയ വിലയിട്ട്​ വിൽക്കുന്ന സാഹചര്യം ഒഴിവാക്കി സാ​ങ്കേതികയും ലൈസൻസും മറ്റുള്ളവർക്ക്​ കൂടി കൈമാറി വില കുറയാൻ അവസരമൊരുക്കുകയാണ്​ വേണ്ടിയിരുന്നതെന്ന ആവശ്യവും ശക്​തമാണ്​. അഞ്ചു ശതമാനം റോയൽറ്റി തുകയെങ്കിലും ഒഴിവാക്കി സാധാരണക്കാരന്​ വാക്​സിൻ ചെറിയ നിരക്കിൽ ലഭ്യമാക്കുകയാണ്​ വേണ്ടതെന്ന്​ പറയുന്നവരുമേറെ.

അതേ സമയം, ''ഐ.സി.എം.ആറും ഭാരത്​ ബയോടെകും തമ്മിലെ സർക്കാർ- സ്വകാര്യ ധാരണ​പത്രത്തിൽ റോയൽറ്റി നൽകുമെന്ന വകുപ്പുമുണ്ടെന്ന്​ ഐ.സി.എം.ആർ ഡയറക്​ടർ ജനറൽ ബൽറാം ഭാർഗവ പറഞ്ഞു. ​

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:ICMRBharat Biotech5% Covaxin Royalty
News Summary - ICMR Will Get Royalty of 5% from Sale of Bharat Biotech's Covaxin. Here's Why It's Raising Eyebrows
Next Story