Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightസിവിൽ സർവീസ്​...

സിവിൽ സർവീസ്​ പരീക്ഷയിലൂടെ അവർ ഒന്നായി; ജീവിതത്തിൽ രണ്ടായി

text_fields
bookmark_border
athar aamir khan-tina dabi
cancel

ജയ്​പൂർ: രാജ്യം ഏറെ കൊട്ടിഘോഷിച്ച വിവാഹമായിരുന്നു ടിന ധാബി-അത്തർ അമീർ ഖാൻ ദമ്പതികളുടേത്​. 2015ലെ സിവിൽ സർവീസ്​ പരീക്ഷയിൽ ഒന്നും രണ്ടും സ്​ഥാനത്തെത്തിയ ടീനയുടെയും അത്തർ അമീറിന്‍റെയും വിവാഹത്തിന്​ പ്രമുഖ രാഷ്​ട്രീയ നേതാക്കളടക്കം എത്തിയിരുന്നു. എന്നാൽ ഐ.എ.എസ്​ ദമ്പതികൾ ഔദ്യോഗികമായി വിവാഹമോചിതരായി എന്ന വാർത്തയാണ്​ ഇപ്പോൾ പുറത്തുവരുന്നത്​.

ജയ്​പൂരിലെ കുടുംബ കോടതിയാണ്​ ഇരുവർക്കും വിവാഹമോചനം അനുവദിച്ചത്​. സിവിൽ സർവീസ്​ പരീക്ഷയിൽ ഒന്നാം റാങ്ക്​ സ്വന്തമാക്കുന്ന ആദ്യ ദലിത് വനിതയായിരുന്നു ടിന ധാബി. ആദ്യ ശ്രമത്തിലായിരുന്നു ടീനയുടെ നേട്ടം. ഡൽഹി ലേഡി ശ്രീറാം കോളജിൽ പൊളിറ്റിക്കൽ സയൻസ് പഠിച്ച ശേഷമാണ് ഭോപാൽ സ്വദേശിയായ ടിന സിവിൽ സർവിസിലെത്തിയത്.

കശ്മീരിലെ അനന്ത്​നാഗ്​ സ്വദേശിയായ അത്തർ അമീർ ഖാൻ ഹിമാചൽ പ്രദേശിലെ മണ്ഡി ഐ.ഐ.ടിയിൽ നിന്ന് എൻജിനിയറിങ്ങിൽ ബിരുദമെടുത്തശേഷമാണ് െഎ.എ.എസിലേക്ക്​ തിരിഞ്ഞത്​. പരിശീലന സമയത്ത്​ ഡൽഹിയിലെ ഡിപാർട്​മെന്‍റ്​ ഓഫ്​ പേഴ്​സനൽ ആൻഡ്​ ട്രെയിനിങ്ങിൽ വെച്ചായിരുന്നു ഇരുവരും കണ്ടുമുട്ടിയത്​. 2018 ഏപ്രിലിൽ ഡൽഹിയിൽ വെച്ചായിരുന്നു വിവാഹം.

ഉപരാഷ്​ട്രപതി വെങ്കയ്യ നായിഡു, കേന്ദ്ര മന്ത്രിമാർ, ലോക്​സഭ സ്​പീക്കർ സുമിത്ര മഹാജൻ എന്നിവർ വിവാഹ സൽക്കാരത്തിൽ പ​ങ്കെടുത്തിരുന്നു.


മതസൗഹാർദത്തിെൻറ മാറ്റുകൂട്ടിയ സംഭവമായി വിവാഹം വിശേഷിപ്പിക്കപ്പെട്ടു. എന്നാൽ ഇരുവരുടെയും വിവാഹം ആഘോഷിക്കപ്പെട്ടതിനൊപ്പം തന്നെ സോഷ്യൽ മീഡിയയിൽ വലിയ വിമർശനങ്ങൾക്കും വഴിവെച്ചിരുന്നു. ഹിന്ദുമഹാസഭയടക്കം ലവ്​ ജിഹാദ്​ ആരോപണമുയർത്തി രംഗത്തെത്തിയിരുന്നു​. എന്നാൽ അത്തരം വിവാദങ്ങളൊന്നും ബാധിക്കില്ലെന്നും മതങ്ങളുടെ കെട്ടുപാടുകൾക്ക്​ അപ്പുറമായിരുന്നു തങ്ങളുടെ വിവാഹമെന്നുമായിരുന്നു ടിനയുടെ പ്രതികരണം.

രാജസ്​ഥാൻ കേഡറിലെ ഉദ്യോഗസ്​ഥരായ ഇരുവർക്കും ജയ്പൂരിലായിരുന്നു ആദ്യ പോസ്റ്റിങ്. ജമ്മു കശ്​മീരിലേക്ക്​ ഡെപ്യൂ​േട്ടഷനിൽ മാറിപ്പോയ അത്താർ ഖാൻ ഇപ്പോൾ ശ്രീനഗറിലാണ്​ ജോലി ചെയ്യുന്നത്​.

Show Full Article
TAGS:IAS Couple Athar Amir Khan Tina Dabi divorce 
News Summary - IAS topper couple Athar Amir Khan and Tina Dabi officially divorced
Next Story