രണ്ട് മിറാഷ് 2000 യുദ്ധവിമാനങ്ങൾ കൂടി ഇന്ത്യയിലെത്തി

ഗ്വാളിയോർ: ഇന്ത്യൻ വ്യോമസേനയുടെ കരുത്ത് വർധിപ്പിക്കാൻ ഫ്രാൻസിൽ നിന്ന് രണ്ട് മിറാഷ് 2000 യുദ്ധവിമാനങ്ങൾ കൂടി എത്തി. മിറാഷിന്‍റെ സെക്കൻഡ് ഹാൻഡ് പരിശീലന പതിപ്പ് വിമാനങ്ങളാണ് ഗ്വാളിയോർ വ്യോമസേനാ കേന്ദ്രത്തിലെത്തിയത്.

പുതിയ രണ്ട് വിമാനം കൂടി എത്തിയതോടെ മിറാഷ് യുദ്ധവിമാനങ്ങളുടെ എണ്ണം 50 ആയി ഉയരും. ഹിന്ദുസ്ഥാൻ എയ്റോനോട്ടിക്സ് ലിമിറ്റഡിന്‍റെ മേൽനോട്ടത്തിലാണ് മിറാഷ് വിമാനങ്ങളിൽ ആവശ്യമായ നവീകരണ പ്രവർത്തനങ്ങൾ നടത്തുന്നത്. ഗ്വാളിയോർ വ്യോമസേനാ കേന്ദ്രത്തിൽ മിറാഷ് വിമാനങ്ങളുടെ മൂന്ന് സ്ക്വാഡ്രോണുകളാണ് നിലവിലുള്ളത്.

പരീക്ഷണ പറക്കലിനിടെ മിറാഷ് യുദ്ധവിമാനങ്ങൾ തകർന്നു വീണ സാഹചര്യത്തിലാണ് വിമാന നവീകരണ കരാറിൽ ഇന്ത്യയും ഫ്രാൻസും ഏർപ്പെട്ടത്. നവീകരണ പ്രവർത്തനങ്ങൾ പൂർത്തിയാക്കുന്നതോടെ 2035 വരെ മിറാഷ് വിമാനങ്ങൾ വ്യോമസേനക്ക് ഉപയോഗിക്കാൻ സാധിക്കും.

1980 മുതൽ വ്യോമസേനയുടെ ഭാഗമായ മിറാഷ് വിമാനങ്ങൾ 1999ലെ കാർഗിൽ യുദ്ധവേളയിലും 2019ലെ പാകിസ്താനിലെ ബാലകോട്ട് ആക്രമണത്തിലും മികച്ച സേവനം കാഴ്ചവെച്ചിരുന്നു. കാർഗിൽ ടൈഗർ ഹില്ലിലെ പാക് സൈനിക ക്യാമ്പുകളും ബങ്കറുകളും തകർക്കാനും കരസേനയുടെ നീക്കത്തിന് മികച്ച പിന്തുണ നൽകാനും മിറാഷിലൂടെ വ്യോമസേനക്ക് സാധിച്ചിരുന്നു.

ഇ​ന്ത്യ​ൻ വ്യോ​മ​സേ​ന​യു​ടെ ഏ​റ്റ​വും വൈ​വി​ധ്യ​മാ​ർ​ന്ന​തും അ​പ​ക​ട​കാ​രി​യു​മാ​യ പോ​ർ​വി​മാ​ന​മാ​ണ് മിറാഷ് 2000. 7500 കിലോ​ഗ്രാം ഭാ​ര​മു​ള്ള മി​റാ​ഷ്​ 2000ത്തിന്‍റെ ടേ​ക്​​ഒാ​ഫ്​ ഭാ​രം 17,000 കി.ലോഗ്രാം ആ​ണ്. പ​ര​മാ​വ​ധി വേ​ഗം മ​ണി​ക്കൂ​റി​ൽ 2336 കിലോ​മീ​റ്റ​ർ. 59,000 അ​ടി (17 കിലോ മീ​റ്റ​ർ) വ​രെ ഉ​യ​ര​ത്തി​ൽ പ​റ​ക്കാ​ൻ ക​ഴി​യും.

ലേ​സ​ർ നി​യ​ന്ത്രി​ത ബോം​ബ്, ആ​കാ​ശ​ത്ത്​ നി​ന്ന്​ ആ​കാ​ശ​ത്തേ​ക്ക്​ പ്ര​യോ​ഗി​ക്കാ​വു​​ന്ന​തും ആ​കാ​ശ​ത്ത് നി​ന്ന്​ ഭൂ​മി​യി​ലേ​ക്ക്​ പ്ര​യോ​ഗി​ക്കാ​വു​ന്ന​തു​മാ​യ മി​സൈ​ലു​ക​ൾ എന്നിവ വ​ഹി​ക്കാ​ൻ ശേ​ഷി​യു​ണ്ട്. ​േതാം​സ​ൺ റ​ഡാ​റും ഡോ​പ്ല​ർ മ​ൾ​ട്ടി ടാ​ർ​ജ​റ്റ്​ റ​ഡാ​റും വി​മാ​ന​ത്തി​ൽ സ​ജ്ജ​മാ​ണ്.