വ്യോമസേന വിമാനം പറക്കുന്നതിനിടെ എഞ്ചിൻ തകരാർ; അടിയന്തര ലാൻഡിങ്​

ന്യൂഡൽഹി: പറക്കലിനിടെ പക്ഷിയിടിച്ച്​ വ്യോമസേന വിമാനത്തി​​​െൻറ എഞ്ചിൻ തകരാറിലായി. ഹരിയാനയി​െല അമ്പാല എയർബ േസിൽ നിന്നും പറന്നുയർന്ന ​ജഗ്വാർ യുദ്ധവിമാനമാണ്​ പക്ഷിയിടിച്ചതിനെ തുടർന്ന്​ തിരിച്ചിറക്കിയത്​.

വ്യാഴാഴ്​ച നടന്ന പരീശീലന പറക്കലിനിടെയാണ്​ സംഭവം. എയർ ബേസിൽ നിന്നും പറന്നുയർന്ന വിമാനത്തി​​​െൻറ​ രണ്ട്​ എഞ്ചിനുകളിൽ ഒന്ന്​ പക്ഷി ഇടിച്ച്​ തകരുകയായിരുന്നു. തുടർന്ന്​ ഇന്ധനടാങ്കും പരീശീലനത്തി​​​െൻറ ഭാഗമായി ഘടിപ്പിച്ചിരുന്ന 10 കിലോ ഭാരം വരുന്ന ബോംബും ഉപേക്ഷിച്ച പൈലറ്റ്​ വിമാനം സുരക്ഷിതമായി തിരിച്ചറക്കുകയായിരുന്നു.

വിമാനത്തിൽ നിന്നും ഇജക്​റ്റ്​ ചെയ്​ത ബോംബ്​ കണ്ടെടുത്തതായി അമ്പാല പൊലീസ്​ ഡെപ്യൂട്ടി കമീഷണർ രജനീഷ്​ കുമാർ അറിയിച്ചു. വിമാനം അപകടത്തിൽപെടാനുള്ള സാഹചര്യങ്ങൾ വ്യോമസേന അന്വേഷിക്ക​ും.