ഞാൻ ‘ആക്​സിഡൻറൽ പ്രൈം മിനിസ്​റ്റർ’ -ദേവഗൗഡ

ബംഗളൂരു: താൻ ‘ആക്​സിഡൻറൽ പ്രൈം മിനിസ്​റ്റർ’ ആയിരുന്നുവെന്ന് മുൻ പ്രധാനമന്ത്രിയും ജെ.ഡി.എസ്​ അധ്യക്ഷനുമായ​​ എച്ച്​.ഡി. ദേവഗൗഡ. ദി ആക്​സിഡൻറൽ പ്രൈം മിനിസ്​റ്റർ എന്ന ബോളിവുഡ്​ ചിത്രം സംബന്ധിച്ച്​ വിവാദം മുറുകുന്നതിനിടെ യാണ്​ ദേവഗൗഡയുടെ പ്രസ്​താവന. ചിത്രം സംബന്ധിച്ചുള്ള വിവാദത്തെ കുറിച്ചുള്ള മാധ്യമപ്രവർത്തകരുടെ ചോദ്യത്തിന്​ മറുപടിയായാണ് ദേവഗൗഡ ഇങ്ങനെ പ്രതികരിച്ചത്​.

1996ലെ പൊതുതെരഞ്ഞെടുപ്പിൽ ഒരു പാർട്ടിക്കും സർക്കാർ രൂപീകരിക്കാനുള്ള കേവല ഭൂരിപക്ഷം ഇല്ലായിരുന്നു. കോൺഗ്രസ്​, ബി.ജെ.പി ഇതര പ്രാദേശിക കക്ഷികൾ ഉൾപ്പെടുന്ന യു.പി.എ മുന്നണി സർക്കാറുണ്ടാക്കാൻ തീരുമാനിക്കുകയും കോൺഗ്രസ്​ പിന്തുണയോടെ ദേവഗൗഡയെ പ്രധാനമന്ത്രി ആക്കുകയുമായിരുന്നു. 1996 ജൂൺ ഒന്നു മുതൽ 1997 ഏപ്രിൽ 21 വരെ ദേവഗൗഡ പ്രധാനമന്ത്രിപദത്തിലിരുന്നു. എന്നാൽ പിന്നീട്​ കോൺഗ്രസ്​ പിന്തുണ പിൻവലിച്ചതോടെ ദേവഗൗഡക്ക്​ താഴെ ഇറങ്ങേണ്ടി വന്നു.

മൻമോഹൻ സിങ്​ പ്രധനമന്ത്രിപദത്തിലിരുന്ന 2004 മുതൽ 2014 വരെ കാലമാണ് ‘ദി ആക്​സിഡൻറൽ പ്രൈം മിനിസ്​റ്റർ’​ എന്ന ചിത്രത്തി​ന്​ ആധാരം​. എന്നാൽ കോൺഗ്രസിനെതിരെ ബി.​െജ.പിയുടെ അജണ്ട നടപ്പാക്കുകയാണ്​ ചിത്രം ചെയ്യുന്നതെന്ന്​ കോൺഗ്രസ്​ ആരോപിച്ചു.

2004 മുതൽ 2008 വരെ മൻമോഹൻ സിങ്ങി​​​​െൻറ മാധ്യമ ഉപദേഷ്​ടാവായിരുന്ന സഞ്​ജയ ബാരു എഴുതിയ സമാനമായ പേരിലുള്ള പുസ്​തക​െത്ത അടിസ്​ഥാനമാക്കിയാണ്​ ആക്​സിഡൻറൽ പ്രൈം മിനിസ്​റ്റർ എന്ന ചിത്രം എടുത്തിരിക്കുന്നത്​. വിജയ്​ രത്​നാകർ ഗു​െട്ടയാണ്​ സംവിധാനം.

ചിത്രത്തിൽ മൻമോഹൻ സിങ്ങായി അനുപം ഖേറും സഞ്​ജയ്​ ബാരുവായി അക്ഷയ്​ ഖന്നയും വേഷമിടുന്നു. ജനുവരി 11 ചിത്രം തിയേറ്ററിലെത്തും. ചിത്രത്തി​​​​െൻറ ട്രെയിലർ വ്യാഴാഴ്​ച പുറത്തിറങ്ങിയിരുന്നു.