ആം ആദ്​മി മന്ത്രി കൈലാഷ്​ ഗെഹ്​ലോട്ടി​െൻറ വസതിയിൽ മിന്നൽ പരിശോധന

ന്യൂഡൽഹി: എ.എ.പി നേതാവും ഡൽഹി ഗതാഗത വകുപ്പ്​ മന്ത്രിയുമായ കൈലാഷ്​ ഗെഹ്​ലോട്ടി​​​െൻറ വസതിയിലും അദ്ദേഹത്തിന്​ ബന്ധമുള്ള സ്​ഥാപനങ്ങളിലും ​ആദായ നികുതി വിഭാഗത്തി​​​െൻറ മിന്നൽ പരിശോധന. ഡൽഹിയിലെ 16 സ്​ഥലങ്ങളിലാണ്​​​ പരിശോധന നടന്നത്​​.

അദ്ദേഹവുമായി ബന്ധപ്പെട്ട ബ്രിസ്​ക്​ ഇൻഫ്രാ സ്​ട്രെക്​ചർ ആൻറ്​ ഡെവലപേഴ്​സ്​ ആൻറ്​ കോർപറേറ്റ്​ ഇൻറർനാഷണൽ ഫിനാൻഷ്യൽ സർവീസ്​ ഉൾപ്പടെയുള്ള സ്​ഥാപനങ്ങളിൽ പരിശോധന നടന്നു. ഡൽഹിയിലെ വസന്ത്​ കുഞ്ച്​, നജഫ്​ഗഡ്​, ഡിഫൻസ്​ കോളനി, ദര്യഗഞ്ച്​, ലക്ഷ്​മി നഗർ, ഗുരുഗ്രാം തുടങ്ങിയ സ്​ഥലങ്ങളിലെ വിവിധ സ്​ഥാപനങ്ങളിൽ പരിശോധന നടത്തി.

അതേസമയം, ഇത്തരം തന്ത്രം കൊണ്ടൊന്നും ആം ആദ്​മി പാർട്ടിയെ ഒതുക്കാൻ സാധിക്കില്ലെന്ന്​ ഡൽഹി ഉപ മുഖ്യമ​ന്ത്രി മനീഷ്​ സിസോദിയയുടെ മാധ്യമ ഉപദേഷ്​ടാവ്​ അരുണോദയ്​ പ്രകാശ്​ ട്വീറ്റ്​ ചെയ്​തു. പരിശോധനക്കു പിന്നിൽ രാഷ്​ട്രീയ വൈരാഗ്യമാണെന്നും​ ആം ആദ്​മി പാർട്ടി ആരോപിച്ചു.

IT raids on Minister Kailash Gahlot. When will you understand Sahab, you won’t be able to bog AAP down with these tactics. AAP has been counting raids since it put you the mat in Delhi and you were left red faced on the massive defeat.

— arunoday (@arunodayprakash) October 10, 2018