Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightമോദിയുടെ...

മോദിയുടെ നിർദേശപ്രകാരമാണ്​ പളനിസ്വാമിയുമായി യോജിച്ചതെന്ന്​ പന്നീർശെൽവം

text_fields
bookmark_border
മോദിയുടെ നിർദേശപ്രകാരമാണ്​ പളനിസ്വാമിയുമായി യോജിച്ചതെന്ന്​ പന്നീർശെൽവം
cancel

കോയമ്പത്തൂർ: പ്രധാനമന്ത്രി നരേന്ദ്രമോദിയുടെ ആവശ്യപ്രകാരമാണ്​ എടപ്പാടി പളനിസാമിയുടെ നേതൃത്വത്തിലുള്ള മന്ത്രിസഭയിൽ ചേർന്നതെന്ന്​ തമിഴ്​നാട്​ ഉപമുഖ്യമന്ത്രി ഒ. പന്നീർസെൽവത്തി​​​െൻറ വെളിപ്പെടുത്തൽ. അണ്ണാ ഡി.എം.കെയിൽ ലയിച്ചതും മോദിയുടെ നിർബന്ധപ്രകാരമായിരുന്നെന്ന്​ അദ്ദേഹം വ്യക്തമാക്കി. തേനിയിൽ അണ്ണാ ഡി.എം.കെ ജില്ല പ്രവർത്തകയോഗത്തിലാണ്​ പന്നീർസെൽവം പാർട്ടിയുടെ സംഘടനപ്രശ്​നങ്ങളിൽ ബി.ജെ.പിയുടെയും മോദിയുടെയും ഇടപെടൽ സ്​ഥിരീകരിച്ചത്​.

ജയലളിതയുടെ മരണശേഷം ശശികലയുമായുണ്ടായ ഭിന്നതയെ തുടർന്നാണ്​ അണ്ണാ ഡി.എം.കെയിൽ പിളർപ്പുണ്ടാക്കി പന്നീർസെൽവത്തി​​​െൻറ നേതൃത്വത്തിൽ പ്രത്യേക വിഭാഗമായത്​. പാർട്ടിയിൽനിന്ന്​ ശശികല കുടുംബത്തെ പൂർണമായും പുറത്താക്കണമെന്നും ജയലളിതയുടെ മരണത്തെക്കുറിച്ച്​ ജുഡീഷ്യൽ അന്വേഷണം വേണമെന്നുമായിരുന്നു ഇവരുടെ ആവശ്യം. പിന്നീട്​ ശശികല, ടി.ടി.വി. ദിനകരൻ തുടങ്ങിയവർ സംഘടനയിൽനിന്ന്​ പുറത്താവുകയും ഒ.പി.എസ്​ വിഭാഗം എടപ്പാടി വിഭാഗത്തിൽ ലയിക്കുകയുമായിരുന്നു. 

ലയനധാരണയനുസരിച്ച്​ ഒ. പന്നീർസെൽവം ഉപമുഖ്യമന്ത്രിയായി. തമിഴ്​നാട്ടിൽ സ്വാധീനമുറപ്പിക്കാൻ ബി.ജെ.പി കേന്ദ്രനേതൃത്വം നടത്തിയ ശ്രമത്തി​​​െൻറ ഭാഗമാണ്​ ഇ.പി.എസ്​-ഒ.പി.എസ്​ ലയനമെന്ന വിലയിരുത്തൽ ശരിവെക്കുന്നതാണ്​ ഉപമുഖ്യമന്ത്രിയുടെ വെളിപ്പെടുത്തലെന്ന് ഡി.എം.കെ ഉൾപ്പെടെയുള്ള പ്രതിപക്ഷകക്ഷികൾ പ്രതികരിച്ചു.

ജയലളിത തന്നെക്കുറിച്ച്​ നല്ല അഭിപ്രായമാണ്​ പറയാറുള്ളതെന്നും താങ്കൾ എടപ്പാടിയോടൊപ്പം യോജിച്ചുപ്രവർത്തിക്കണമെന്നും നരേന്ദ്രമോദി ആവശ്യപ്പെട്ടതായി പന്നീർസെൽവം യോഗത്തിൽ അറിയിച്ചു. സംഘടനപ്രവർത്തനത്തിൽ ശ്രദ്ധ കേന്ദ്രീകരിക്കാമെന്നും മന്ത്രിസഭയിൽ ചേരാൻ ആഗ്രഹമില്ലെന്നും പറഞ്ഞപ്പോൾ മന്ത്രിയാവണമെന്ന്​ മോദി നിർബന്ധം പിടിച്ചതായാണ്​ ഒ.പി.എസ്​ വെളിപ്പെടുത്തിയത്​.

Show Full Article
TAGS:paneerselvam ops aiadmk india news malayalam news 
News Summary - I merged with Palaniswami faction on PM's suggestion: O Panneerselvam-India news
Next Story