ജസീക്ക ലാൽ വധം; മനു ശർമക്ക്​ മാപ്പ്​ നൽകി സഹോദരി

ന്യൂഡൽഹി: ജസീക്ക ലാൽ വധക്കേസിൽ ഒന്നര പതിറ്റാണ്ടായി ജയിലിൽ കഴിയുന്ന മനു ശർമക്ക്​ മാപ്പ്​ നൽകുന്നതായി ജസീക്കയുടെ സഹോദരി സബ്രീന ലാൽ. ജയിലിൽ മനു ശർമ സേവന പ്രവർത്തനങ്ങൾ നടത്തുന്നതായാണ്​ അറിയാൻ കഴിഞ്ഞത്​. മറ്റ്​ ജയിൽപ്പുള്ളികളെ സഹായിക്കുന്നതായും അറിയാൻ കഴിഞ്ഞു.

അയാൾക്ക്​ മാനസാന്തരമുണ്ടായെന്നാണ്​ താൻ കരുതുന്നത്​. മനു ശർമയെ വിട്ടയക്കുന്നതിനെ ഇനി താൻ എതിർക്കില്ല. ഇനി ഭാര്യയോടൊപ്പം ജീവിക്ക​െട്ട. തനിക്ക്​ നഷ്​ടപരിഹാരം ആവശ്യമില്ലെന്നും സബ്രീന പറഞ്ഞു. മനു ശർമയെ വിട്ടയക്കുന്നത്​ സംബന്ധിച്ച്​ ജയിൽ അധികൃതർ നൽകിയ കത്തിനുള്ള മറുപടിയിലാണ്​ സബ്രീന നിലപാട്​ വ്യക്തമാക്കിയത്​. 

1999 ഏപ്രിൽ 30നാണ്​ കോൺഗ്രസ്​ നേതാവ്​ വിനോദ്​ ശർമയുടെ മകൻ മനുവി​​​െൻറ ​വെടിയേറ്റ്​ ജസീക്ക ലാൽ കൊല്ലപ്പെട്ടത്​. മദ്യം വിളമ്പാൻ വിസമ്മതിച്ചതിനാണ്​ ജസീക്കയെ വെടിവെച്ചു കൊന്നത്​. കേസിൽ ജീവപ​ര്യന്തം ശിക്ഷ വിധിക്കപ്പെട്ട മനു 15 വർഷമായി ജയിലിൽ കഴിയുകയാണ്​. തന്നെ വിട്ടയക്കണമെന്നാവശ്യപ്പെട്ട്​ ഇയാൾ ജയിൽ അധികൃതർക്ക്​ കത്ത്​ നൽകിയിരുന്നു. ജയിലിൽ കഴിയവെ മൂന്നു വർഷം മുമ്പ്​ ഇയാളുടെ വിവാഹം നടന്നിരുന്നു.