കുട്ടികളുടെ പരിപാടിയിലെ 'പ്രധാനമന്ത്രി വിമർശനം'; സീ തമിഴ് ചാനലിന് നോട്ടീസ് അയച്ച് കേന്ദ്രം

ന്യൂഡൽഹി: സീ തമിഴ് ചാനലിലെ ജൂനിയർ സൂപ്പർ സ്റ്റാർ സീസൺ 4ൽ രണ്ടു കുട്ടികൾ അവതരിപ്പിച്ച പരിപാടിയിൽ പ്രധാനമന്ത്രി നരേന്ദ്രമോദിയെ അവഹേളിച്ചുവെന്ന ബി.ജെ.പിയുടെ പരാതിയിൽ കേന്ദ്ര വാർത്താ വിനിമയ വിതരണ മന്ത്രാലയം നോട്ടീസ് അയച്ചു. സീ എന്റർടൈയ്​ൻമെന്റ് എൻറർപ്രൈസസിനാണ് നോട്ടീസ് അയച്ചത്. തമിഴ്നാട് ബി.ജെ.പി ഐ.ടി ആൻഡ് സോഷ്യൽ മീഡിയ സെൽ സംസ്ഥാന പ്രസിഡന്റ് സി.ടി.ആർ നിർമൽ കുമാറിന്റെ പരാതിയിലാണ് നടപടി. നേരത്തേ നി​ർ​മ​ൽ കു​മാ​ർ ചാ​ന​ൽ അ​ധി​കൃ​ത​ർ​ക്ക്​ ക​ത്തെ​ഴു​തിയിരുന്നു.

ജനുവരി 15ന് സീ തമിഴ് ചാനലിൽ സം​പ്രേഷണം ചെയ്ത ജൂനിയർ സൂപ്പർ സ്റ്റാർ സീസൺ 4 പരിപാടിക്കെതിരെ ലഭിച്ച പരാതിയുടെ അടിസ്ഥാനത്തിലാണ് നോട്ടീസ് അയച്ചതെന്ന് കേന്ദ്ര വാർത്താവിനിമയ മന്ത്രാലയം പറയുന്നു. നോട്ടീ​സിനൊപ്പം ബി.ജെ.പി നേതാവിന്റെ പരാതിയും ഉൾപ്പെടുത്തിയിരുന്നു. ഏഴുദിവസത്തിനകം നോട്ടീസിന് മറുപടി നൽകാ​നാണ് നിർദേശം. അല്ലെങ്കിൽ നടപടി സ്വീകരിക്കുമെന്നും നോട്ടീസിൽ പറയുന്നു.

ജ​നു​വ​രി 15ന്​ ​സം​പ്രേ​ഷ​ണം ചെ​യ്ത പ​രി​പാ​ടി​ക്കി​ടെ നോ​ട്ട് നി​രോ​ധ​നം, പ്ര​ധാ​ന​മ​ന്ത്രി​യു​ടെ വ​സ്ത്ര​ധാ​ര​ണം, വി​ദേ​ശ യാ​ത്ര​ക​ൾ, ഓ​ഹ​രി വി​റ്റ​ഴി​ക്ക​ൽ തു​ട​ങ്ങി​യ​വ സം​ബ​ന്ധി​ച്ച പ​രാ​മ​ർ​ശ​ങ്ങ​ളാ​ണ്​ പ്ര​തി​ഷേ​ധ​ത്തി​ന്​ കാ​ര​ണ​മാ​യ​ത്. ത​മി​ഴ്​ ഹാ​സ്യ ന​ട​ൻ വ​ടി​വേ​ലു​വി‍െൻറ 'ഇം​സൈ അ​ര​സ​ൻ 23ാം പു​ലി​കേ​സി'​യെ​ന്ന സി​നി​മ​യി​ലെ ക​ഥാ​പാ​ത്ര​ങ്ങ​ളെ അ​നു​ക​രി​ച്ചാ​യി​രു​ന്നു അ​വ​ത​ര​ണം.

കു​ട്ടി​ക​ളു​ടെ ര​ണ്ടു മി​നി​റ്റ് ദൈ​ർ​ഘ്യ​മു​ള്ള സ്കി​റ്റ്​ അ​വ​ത​ര​ണ​ത്തെ വി​ധി​ക​ർ​ത്താ​ക്ക​ളും അ​വ​താ​ര​ക​രും മ​റ്റും കൈ​യ​ടി​ച്ച്​ പ്രോ​ത്സാ​ഹി​പ്പി​ച്ചി​രു​ന്നു. വി​വാ​ദ​മാ​യ​തോ​ടെ ചാ​ന​ലിന്റെ വെ​ബ്‌​സൈ​റ്റി​ൽ​നി​ന്ന് പ്ര​സ്തു​ത ഭാ​ഗം നീ​ക്കം ചെ​യ്യു​മെ​ന്നും പു​നഃ​സം​പ്രേ​ഷ​ണം ചെ​യ്യി​ല്ലെ​ന്നും ചാ​ന​ൽ മേ​ധാ​വി​ക​ൾ ബി.​ജെ.​പി കേ​ന്ദ്ര​ങ്ങ​ളെ അ​റി​യി​ച്ചിരുന്നു.