രോഗങ്ങളൊന്നുമില്ല, താൻ പൂർണ്ണആരോഗ്യവാൻ- അമിത്​ ഷാ

ന്യൂഡൽഹി: ആരോഗ്യസ്​ഥിതിയെ ചുറ്റിപ്പറ്റി ഉയർന്ന ഊഹാപോഹങ്ങളെ കാറ്റിൽ പറത്തി തനിക്ക്​ രോഗങ്ങളൊന്നുമില്ലെന്നും  പൂർണ ആ​േരാഗ്യവാനാണെന്നും വ്യക്​തമാക്കി കേന്ദ്ര ആഭ്യന്തര മന്ത്രി അമിത്​ ഷാ. സമൂഹമാധ്യമങ്ങൾ വഴിയാണ്​ ഇത്തരം കിംവദന്തികൾ പ്രചരിച്ചതെന്നും കോവിഡ്​ 19 പടർന്നുപിടിക്കുന്ന സാഹചര്യത്തിൽ ത​​െൻറ കർത്തവ്യത്തിൽ മുഴുകിയിരുന്നതിനാൽ ഇത്തരം അപവാദങ്ങൾ തിരസ്​കരിക്കുകയായിരുന്നുവെന്നും ട്വിറ്ററിലൂടെ​ മന്ത്രി പ്രതികരിച്ചു​. 

मेरे स्वास्थ्य की चिंता करने वाले सभी लोगों को मेरा संदेश। pic.twitter.com/F72Xtoqmg9

— Amit Shah (@AmitShah) May 9, 2020

ലക്ഷക്കണക്കിന്​ പാർട്ടി പ്രവർത്തകരും നേതാക്കൻമാരും ഉത്​കണഠ പ്രകടപ്പിച്ച സാഹചര്യത്തിലാണ്​ ഇക്കാര്യത്തിൽ വിശദീകരണം നടത്തിയതെന്ന്​ അദ്ദേഹം പറഞ്ഞു. ‘ഹിന്ദു വിശ്വാസമനുസരിച്ച്​ അത്തരം പ്രചാരണങ്ങൾ എന്നെ കൂടുതൽ ആരോഗ്യവാനാക്കും. ആയതിനാൽ അത്തരക്കാർ അപവാദം പ്രചരണം​ നിർത്തുമെന്നും അതോടെ എനിക്ക്​ ജോലിയിൽ ശ്രദ്ധ കേന്ദ്രീകരിക്കാമെന്നും കരുതുന്നു’ അപവാദപ്രചാ​രകരെ പരിഹസിച്ചുകൊണ്ട്​ മന്ത്രി പറഞ്ഞുനിർത്തി​.