‘ഞാൻ സ്വതന്ത്രൻ, ഡൽഹിയിൽ കശ്​മീരിന്​​ വേണ്ടി ശബ്​ദിക്കും ’ -ഫാറൂഖ്​ അബ്​ദുല്ല

ശ്രീനഗർ: ‘‘പറയാൻ വാക്കുകളില്ല, ഞാനിപ്പോൾ സ്വതന്ത്രനാണ്​. എനിക്ക്​ ഡൽഹിയിൽ പോകാനും പാർല​െമൻറിൽ നിങ്ങൾക്ക്​ വേണ്ടി സംസാരിക്കാനും കഴിയും’’ - ഏഴ്​മാസത്തോളം നീണ്ട വീട്ടുതടങ്കലിൽ നിന്നും പുറത്തിറങ്ങിയ നാഷണൽ കോൺഫറൻസ്​ നേതാവും ജമ്മു കശ്​മീർ മുൻ മുഖ്യമന്ത്രിയുമായ ഫാറൂഖ്​ അബ്​ദുല്ലയുടെ പ്രസ്​താവന ഇങ്ങനെയായിരുന്നു.

ജമ്മു കശ്​മീരി​​െൻറ പ്രത്യേക പദവി എടുത്തുകളഞ്ഞതിനു പിന്നാലെയാണ്​ ഫാറൂഖ്​ അബ്​ദുല്ല​െയ കരുതൽ തടങ്കലിൽ പാർപ്പിച്ചത്​. ത​​െൻറ സ്വാതന്ത്രത്തിനായി ശബ്​ദിച്ചവർക്ക്​ ​ ഫാറൂഖ്​ അബ്​ദുല്ല നന്ദിയർപ്പിച്ചു. തടങ്കലിൽ അവശേഷിക്കുന്നവർ കൂടി പുറത്തിറങ്ങാതെ സ്വാതന്ത്രം പൂർണ്ണമായെന്ന്​ പറയാനാകില്ലെന്നും അതുവരേക്കും രാഷ്​ട്രീയ പ്രസ്​താവനകൾക്കില്ലെന്നും അദ്ദേഹം കൂട്ടിച്ചേർത്തു.

കാശ്​മീരിലെ പ്രശ്​നങ്ങൾ തുറന്നുകാണിക്കാൻ ഫാറൂഖ്​ അബ്​ദുല്ല ലോക്​സഭയുടെ മുൻനിരയിലുണ്ടാക​ട്ടെ എന്ന്​ ശശി തരൂർ എം.പി ആശംസിച്ചു. അതേസമയം കശ്​മീരിലെ മുൻ മുഖ്യമന്ത്രിമാരായ ഉമർ അബ്​ദുല്ലയും മെഹ്​ബൂബ മുഫ്​തിയും തടങ്കലിൽ തുടരുകയാണ്​.