Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_right'ഞാൻ തിരിച്ചുപോയി...

'ഞാൻ തിരിച്ചുപോയി ചായക്കട തുടങ്ങു'മെന്ന്​ മോദി; ധൈര്യമായി പൊയ്​ക്കൊള്ളാൻ സിദ്ധാർഥ്​

text_fields
bookmark_border
I agree with every point of Modis here Siddharth
cancel

മോദി സർക്കാറിന്‍റെ രൂക്ഷ വിമർശകനായ നടൻ സിദ്ധാർഥ്​ വീണ്ടും ഒളിയമ്പുമായി രംഗത്ത്​. ഇത്തവണ പ്രധാനമന്ത്രി നരേന്ദ്ര മോദിയുടെ പഴയ ട്വീറ്റ്​ 'കുത്തിപ്പൊക്കി'യാണ്​​ സിദ്ധാർഥ്​ പരിഹാസം ഉതിർത്തത്​​. 2014 ഏപ്രിൽ 29നാണ്​ മോദി ട്വീറ്റ്​ ചെയ്​തിരിക്കുന്നത്​. 'ഇന്ത്യക്കാവശ്യം ശക്​തമായൊരു ഭരണകൂടമാണ്​. മോദി എന്നയാൾ ഒരു പ്രശ്​നമേയല്ല. എനിക്ക്​ തിരിച്ചുപോയി വീണ്ടുമൊരു ചായക്കട തുറക്കാനാകും. പക്ഷെ രാജ്യത്തിന്​ ഇനിയും ഇത്​ സഹിക്കാനാവില്ല' -എന്നായിരുന്നു മോദിയുടെ ട്വീറ്റ്​. ഇത്​ പങ്കുവച്ചുകൊണ്ട്​ 'നിങ്ങൾ വിശ്വസിക്കുമോന്നറിയില്ല. എല്ലാവരോടുമൊപ്പം ഈ മനുഷ്യന്‍റെ അഭിപ്രായത്തോട്​ ഞാനും യോജിക്കുന്നു'-എന്നാണ്​ സിദ്ധാർഥ്​ ട്വിറ്ററിൽ കുറിച്ചത്​.

നേരത്തേ രാജ്യത്ത്​ കോവിഡ്​ വ്യാപനം രൂക്ഷമാകുന്ന പശ്ചാത്തലത്തിൽ കേന്ദ്രസർക്കാറിന്‍റെ രാഷ്​ട്രീയകളികൾക്കെതിരേയും സിദ്ധാർഥ് രംഗത്തുവന്നിരുന്നു​. കോവിഡ്​ പ്രതിരോധ വാക്​സിൻ വിതരണത്തിലെ താളപ്പിഴകളായിരുന്നു​ വിമർശനത്തിന്​ ആധാരം.'ഒരു ദിവസം നിങ്ങളെ വോട്ട്​ ചെയ്​ത്​ അധികാരത്തിൽനിന്ന്​ പുറത്താക്കു​േമ്പാൾ ഈ രാജ്യം ശരിക്കും അണുവിമുക്തമാകും. അത്​ ഉടൻ ഉണ്ടാകും. ഈ ട്വീറ്റിനെക്കുറിച്ച്​ നിങ്ങളെ ഓർമിപ്പിക്കാൻ അന്ന്​ ഞങ്ങൾ ഇവിടെത​ന്നെയുണ്ടാകും' -സിദ്ധാർഥ്​ ട്വീറ്റ്​ ചെയ്​തു.



ബി.ജെ.പി ബംഗാൾ ഘടകത്തിന്‍റെ ട്വീറ്റ്​ ഷെയർ ചെയ്​തുകൊണ്ടായിരുന്നു നടന്‍റെ പ്രതികരണം. ബി.ജെ.പി ബംഗാളിൽ അധികാരത്തിലെത്തു​േമ്പാൾ കോവിഡ്​ പ്രതിരോധ വാക്​സിൻ എല്ലാവർക്കും സൗജന്യമായി നൽകുമെന്ന്​ വാഗ്​ദാനം ചെയ്​തുകൊണ്ടുള്ളതാണ്​ പോസ്റ്റ്​. പോസ്​റ്റിനെതിരെ വ്യാപക വിമർശനങ്ങളും ഉയർന്നിരുന്നു. രാജ്യത്തെ എല്ലാ ജനങ്ങൾക്കും സൗജന്യമായി ലഭ്യമാ​​ക്കേണ്ട വാക്​സിൻ ഉപയോഗിച്ച്​ ബി.ജെ.പിയും കേന്ദ്രസർക്കാറും രാഷ്​ട്രീയം കളിക്കു​ന്നുവെന്നായിരുന്നു ഉയർന്ന ആരോപണം.

രാജ്യത്ത്​ നിരവധി പേരാണ്​ ഓക്​സിജൻ ക്ഷാമം മൂലവും ആശുപത്രികളിലെ അസൗകര്യവും മൂലം മരണപ്പെടുന്നത്​. കഴിഞ്ഞ 24 മണിക്കൂറിനിടെ 2624 പേരാണ്​ രാജ്യത്ത്​ കോവിഡ്​ ബാധിച്ച്​ മരിച്ചത്​. എന്നാൽ, കോവിഡ്​ പ്രതിസന്ധികൾക്കിടയിലും വാക്​സിൻ വിതരണത്തിൽനിന്ന്​ കൈയൊഴിയാനായിരുന്നു കേന്ദ്രത്തിന്‍റെ നീക്കം. അതിന്‍റെ ഭാഗമായി മേയ്​ ഒന്നുമുതൽ പുണെ സെറം ഇൻസ്റ്റിറ്റ്യൂട്ട്​ കോവിഷീൽഡ്​ വാക്​സിന്‍റെ വില പുതുക്കി നിശ്ചയിക്കുകയും ചെയ്​തിരുന്നു. സംസ്​ഥാനങ്ങൾ ഒരു ഡോസ്​ കോവിഷീൽഡ്​ വാക്​സിന്​ 400 രൂപ നൽകണം. സ്വകാര്യ ആശുപത്രികൾ 600 രൂപയും. മേയ്​ മുതൽ 18 വയസിന്​ മുകളിലുള്ളവർക്ക്​ കോവിഡ്​ വാക്​സിനേഷൻ ആരംഭിക്കാനിരി​ക്കെയാണ്​ തീരുമാനം.

Show Full Article
TAGS:Siddharth narendramodi twitter 
Next Story