Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightഹൈദരാബാദ്​ മുനിസിപ്പൽ...

ഹൈദരാബാദ്​ മുനിസിപ്പൽ തെരഞ്ഞെടുപ്പ്​; ​വോ​ട്ടെടുപ്പ്​ പുരോഗമിക്കുന്നു, 74.67 ലക്ഷം പേർ ബൂത്തിലേക്ക്​

text_fields
bookmark_border
ഹൈദരാബാദ്​ മുനിസിപ്പൽ തെരഞ്ഞെടുപ്പ്​; ​വോ​ട്ടെടുപ്പ്​ പുരോഗമിക്കുന്നു, 74.67 ലക്ഷം പേർ ബൂത്തിലേക്ക്​
cancel

ഹൈദരാബാദ്​: തെരഞ്ഞെടുപ്പ്​ പ്രചരണത്തോടെ രാജ്യശ്രദ്ധ നേടിയ ഹൈദരാബാദ്​ മുനിസിപ്പൽ കോർപറേഷൻ വോ​ട്ടെടുപ്പ്​ പുരോഗമിക്കുന്നു. രാവിലെ ഏഴുമണിക്ക്​ ആരംഭിച്ച വോ​ട്ടെടുപ്പിൽ 74.67 ലക്ഷം പേർ വോട്ട്​​ രേഖപ്പെടുത്തും.

തെലങ്കാന രാഷ്​ട്ര സമിതി, ബി.ജെ.പി, എ.ഐ.എം.ഐ.എം തുടങ്ങിയ പാർട്ടികളുടെ തെരഞ്ഞെടുപ്പ്​ പ്രചരണ വാഗ്വാദങ്ങൾ വലിയ ചർച്ചയായിരുന്നു. ​മുനിസിപ്പൽ തെരഞ്ഞെടുപ്പ്​ പ്രചരണത്തിന്​ ബി.ജെ.പി രംഗത്തിറക്കിയത്​ കേന്ദ്രമന്ത്രി അമിത്​ ഷാ, ജെ.പി. നഡ്ഡ, യോഗി ആദിത്യനാഥ്​ തുടങ്ങിയവരെയായിരുന്നു.

റോഡുകൾ, ജല വിതരണം, തെരുവുവിളക്ക്​,​ ഡ്രെയിനേജ്​, അടിസ്​ഥാന സൗകര്യങ്ങൾ തുടങ്ങിയവ ചർച്ചയായതിനൊപ്പം ഹൈദരാബാദി​െൻറ പേര്​ ഭാഗ്യനഗർ എന്നു​ മാറ്റുന്നതുവരെ തെരഞ്ഞെടുപ്പ്​ പ്രചരണത്തിന്​ കൊഴുപ്പേകി.

150 ഡിവിഷനുകളിലായി 1122 സ്​ഥാനാർഥികളാണ്​ മത്സര രംഗത്തിറങ്ങുന്നത്​. നാലു ജില്ലകളിലായാണ്​ ഹൈദരാബാദ്​ മുനിസിപ്പൽ കോർപറേഷൻ. 2016ൽ നടന്ന തെരഞ്ഞെടുപ്പിൽ ടി.ആർ.എസ്​ 99 സീറ്റുകൾ പിടിച്ചെടുത്ത്​ അധികാരം നേടുകയായിരുന്നു. 9101 പോളിങ്​ സ്​റ്റേഷനുകളിലായാണ്​ തെരഞ്ഞെടുപ്പ്​. എല്ലാ പോളിങ്​ സ്​റ്റേഷനുകളിലും കനത്ത സുരക്ഷയാണ്​ ഏർപ്പെടുത്തിയിരിക്കുന്നത്​. 50,000ത്തോളം പൊലീസുകാരെ പണം, മദ്യം തുടങ്ങിയവ വിതരണം ചെയ്യുന്നു​െവന്ന പരാതിയെ തുടർന്ന്​ വിന്യസിച്ചിട്ടുണ്ട്​. ഞായറാഴ്​ച വൈകിട്ട്​ ആറുമണിക്ക്​ തെരഞ്ഞെടുപ്പ്​ പ്രചരണം അവസാനിച്ചിരുന്നു.

കോവിഡ്​ നിയന്ത്രണങ്ങൾ നിലനിൽക്കുന്നതിനാൽ പോളിങ്​ സ്​റ്റേഷനുകളിലെത്തുന്നവർ നിർബന്ധമായും മാസ്​ക്​ ധരിക്കണം. എല്ലാ ബൂത്തുകളും അണുവിമുക്തമാക്കുകയും വേണമെന്ന്​ നിർദേശം നൽകിയിരുന്നു. ഗ്രേറ്റർ ഹൈദരാബാദ്​ മുനിസിപ്പൽ കോർപറേഷനിൽ മാത്രം 63 കണ്ടെയ്​ൻമെൻറ്​ സോണുകളാണുള്ളത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:TRSAIMIMHyderabad electionHyderabad Local body electionBJP
News Summary - Hyderabad Votes In Local Body Polls
Next Story