പൗരത്വ നിയമഭേദഗതിയെ അനുകൂലിച്ച്​ പരിപാടി നടത്താൻ ബി.ജെ.പി എം.എൽ.എക്ക്​ അനുമതിയില്ല

ഹൈദരാബാദ്​: പൗരത്വ നിയമഭേദഗതിയെ അനുകൂലിച്ച്​ പരിപാടി നടത്താൻ ബി.ജെ.പി എം.എൽ.എക്ക്​ അനുമതി നിഷേധിച്ചു. ഹൈദരാബാദ്​ ​പൊലീസി​േൻറതാണ്​ നടപടി. ഗോഷ്​മഹൽ നിയോജകമണ്ഡലത്തിലെ എം.എൽ.എയായ രാജാ സിങ്ങാണ്​ അനുമതി തേടി പൊലീസിനെ സമീപിച്ചത്​.

പൗരത്വ ഭേദഗതിയെ എതിർത്ത്​ മാർച്ച്​ നടത്താനും പൊലീസ്​ അനുമതി നിഷേധിച്ചിട്ടുണ്ട്​. ഡിസംബർ 28ന്​ മില്യൺ മാർച്ച്​ എന്ന പേരിൽ പരിപാടി സംഘടിപ്പിക്കുന്നതിനായിരുന്നു അപേക്ഷ നൽകിയത്​. പൊലീസ്​ അനുമതി നിഷേധിച്ചെങ്കിലും മാർച്ചുമായി മുന്നോട്ട്​ പോകുമെന്നാണ്​ സംഘാടകരുടെ നിലപാട്​.

നഗരത്തിൽ പ്രതിഷേധം നടത്താൻ ആർക്കും അനുമതി നൽകിയിട്ടില്ലെന്നും വ്യാജ വാർത്തകൾ ജനങ്ങൾ വിശ്വസിക്കരുതെന്നും അറിയിച്ച്​ ഹൈദരാബാദ്​ പൊലീസ്​ ട്വീറ്റ്​ ചെയ്​തിട്ടുണ്ട്​.