ഹൈദരാബാദ്​ ഏറ്റുമുട്ടൽ: ഉത്തർപ്രദേശ്​,ഡൽഹി സർക്കാർ പ്രചോദനമുൾക്കൊള്ളണമെന്ന്​ മായാവതി

ന്യൂഡൽഹി: ​ൈ​ഹദരാബാദിൽ വ​നി​ത ​വെ​റ്റ​റി​ന​റി ഡോ​ക്​​ട​റെ കൂ​ട്ട​ബ​ലാ​ത്സം​ഗം ചെ​യ്​​ത് തീ കൊളുത്തി കൊലപ്പെടുത്തിയ കേസിലെ നാലു പ്രതികളെ വെടിവെച്ച് കൊന്ന പൊലീസ് നടപടിയെ സ്വാഗതം ചെയ്​ത്​ ബി.​എസ്​.പി അധ്യക്ഷ മായാവതി. ഹൈദരാബാദ്​ പൊലീസി​​െൻറ നടപടിയിൽ നിന്നും ഉത്തർപ്രദേശ്​, ഡൽഹി പൊലീസ്​ പ്രചോദനം ഉൾക്കൊള്ളണമെന്നും മായാവതി പറഞ്ഞു.

ഉത്തർപ്രദേശിൽ സ്​ത്രീകൾക്കെതിരായ അതിക്രമങ്ങൾ ദിനംപ്രതി പെരുക​ുകയാണ്​. എന്നാൽ സംസ്ഥാന സർക്കാർ ഉറങ്ങുകയാണ്​. കുറ്റവാളികളെ അതിഥികളെ പോലെ പരിഗണിക്കുന്ന കാട്ടുനീതിയാണ്​ ഉത്തർപ്രദേശിലെ സർക്കാറി​േൻറതെന്നും മായാവതി കുറ്റപ്പെടുത്തി. ഉന്നാവോയിൽ ബലാത്സംഗത്തിനിരയായ പെൺകുട്ടിയെ ജാമ്യത്തിലിറങ്ങിയ പ്രതികൾ ചുട്ടുകൊല്ലാൻ ശ്രമിച്ച സംഭവവും അവർ ചൂണ്ടിക്കാട്ടി.

തെലങ്കാന പൊലീസ്​ നീതി നടപ്പാക്കിയെന്ന്​ ഡൽഹിയിൽ കൂട്ടബലാത്സംഗത്തിനിരയായി കൊല്ലപ്പെട്ട പെൺകുട്ടിയുടെ അമ്മ ആശാദേവി പ്രതികരിച്ചു. ഏഴുവർഷമായി തങ്ങൾ നീതിക്കായി കോടതിയിൽ കയറിയിറങ്ങുകയാണെന്നും പൊലീസ്​ നടപടിയിൽ സന്തോഷമു​െണന്നും അവർ പറഞ്ഞു.

മകളുടെ ആത്മാവിന്​ ശാന്തി ലഭിച്ചുവെന്നായിരുന്നു കൊല്ലപ്പെട്ട വെറ്ററിനറി ഡോക്​ടറുടെ പിതാവി​​െൻറ പ്രതികരണം.

ഡോക്ടറെ കൂ​ട്ട​ബ​ലാ​ത്സം​ഗം ചെ​യ്​​ത്​ ക്രൂ​ര​മാ​യി കൊ​ല​പ്പെ​ടു​ത്തി​യ ലോറി ഡ്രൈ​വ​​റും മു​ഖ്യ​പ്ര​തിയുമായ ആ​രി​ഫ്​ (24), ലോ​റി ക്ലീ​ന​ർ​മാരായ ജോ​ലു ശി​വ (20), ജോ​ലു ന​വീ​ൻ (20), ചി​ന്ത​കു​ണ്ട ചെ​ന്ന​കേ​ശ​വ​ലു (20) എന്നിവരെയാണ് തെലങ്കാന പൊലീസ് ഇന്ന്​ പുലർച്ചെ വെടിവെച്ച്​ കൊന്നത്​. തെളിവെടുപ്പിന്​ എത്തിച്ച പ്രതികൾ രക്ഷപ്പെടാൻ ശ്രമിച്ചതോടെ വെടിവെപ്പ് നടത്തുകയായിരുന്നു എന്നാണ്​ പൊലീസ്​ ഭാഷ്യം. പ്രതികൾ ആക്രമിച്ചപ്പോൾ സ്വയംരക്ഷയ്ക്കാണ് വെടിവെച്ചതെന്നും തെലുങ്കാന പൊലീസ് അറിയിച്ചു.

നവംബർ 28ന്​ രാ​ത്രി​യാ​ണ്​ 25കാ​രി​യെ ബ​ലാ​ത്സം​ഗ​ത്തി​നി​ര​യാ​ക്കി കൊ​ന്ന​ശേ​ഷം ബ്ലാ​ങ്ക​റ്റി​ൽ പൊ​തി​ഞ്ഞ്​ തീ​കൊ​ളു​ത്തി​യ​ത്.