ഹൈദരാബാദ്​ ബലാത്സംഗ കൊല: നാലു പ്രതികളെയും പൊലീസ്​ വെടിവെച്ചു കൊന്നു

ഹൈദരാബാദ്​: തെലങ്കാനയെയും രാജ്യത്തെയും അമ്പരപ്പിച്ച സംഭവത്തിൽ, വനിത വെറ്ററിനറി ഡോക്​ടർ ബലാത്സംഗ കൊലക്കേസിലെ നാലു പ്രതികളെയും ഹൈദരാബാദ്​ പൊലീസ്​ സംഭവസ്​ഥലത്ത്​ എത്തിച്ച്​ വെടിവെച്ചുകൊന്നു. ഹൈദരാബാദിൽ 25കാരി ഡോക്​ടറെ ബലാത്സംഗ ചെയ്​ത്​ കൊലപ്പെടുത്തുകയും മൃതദേഹം കത്തിക്കുകയും ചെയ്​ത ക്രൂരസംഭവത്തിലെ പ്രതികളായ നാലു ലോറി ജീവനക്കാർ, തെളിവെടുപ്പിനിടെ രക്ഷ​െപ്പടാൻ ശ്രമിക്കവെ ഏറ്റുമുട്ടലിൽ കൊല്ലപ്പെടുകയായിരുന്നുവെന്ന്​ ഹൈദരാബാദ്​ പൊലീസ്​ അറിയിച്ചു. ഏറ്റുമുട്ടലിൽ രണ്ടു ​പൊലീസുകാർക്ക്​ പരിക്കേറ്റുവെന്നും പൊലീസ്​ വ്യക്തമാക്കി. മുഖ്യപ്രതി ലോറി ഡ്രൈവർ ആ​രി​ഫ്​ (24), ക്ലീനർമാരായ ജോ​ലു ശി​വ (20), ജോ​ലു ന​വീ​ൻ (20), ചി​ന്ത​കു​ണ്ട ചെ​ന്ന​കേ​ശ​വ​ലു എ​ന്നി​വ​രാണ്​ കൊല്ലപ്പെട്ടത്​.

Hyderabad: Heavy police presence at the spot where accused in the rape and murder of the woman veterinarian were killed in an encounter earlier today. #Telangana pic.twitter.com/tpIzyBgxdZ

— ANI (@ANI) December 6, 2019

അന്വേഷണത്തി​​െൻറ ഭാഗമായി, കുറ്റകൃത്യം നടത്തിയ വിധം പുനരാവിഷ്​കരിക്കാൻ പ്രതികളെ സംഭവസ്​ഥലത്ത്​ വെള്ളിയാഴ്​ച രാവിലെ 6.30ന്​ എത്തിച്ചിരുന്നു. ‘‘ഇൗ സമയത്ത്​ നാലുപേരും ചേർന്ന്​ പൊലീസി​​െൻറ ആയുധം തട്ടിപ്പറിച്ച്​ രക്ഷപ്പെടാൻ ശ്രമിച്ചതിനെ തുടർന്ന്​ ഞങ്ങൾ തിരിച്ചടിച്ചു. ഇതിൽ നാലുപേരും കൊല്ലപ്പെടുകയായിരുന്നു’’ -മുതിർന്ന പൊലീസ്​ ഉദ്യോഗസ്​ഥൻ വിശദീകരിച്ചു.

ഇതിനിടെ, നാടിനെ നടുക്കിയ ബലാത്സംഗ കൊലപാതക കേസി​ൽ കസ്​റ്റഡിയിലുള്ള മുഴുവൻ പ്രതികളെയും വെടിവെച്ചുകൊന്ന പൊലീസ്​ നടപടിയെ എതിർത്തും അനുകൂലിച്ചും ജനം രംഗത്തെത്തി​. ഏതു സാഹചര്യത്തിലായാലും നീതിന്യായ വ്യവസ്​ഥയെ മറികടന്നുള്ള ഇത്തരം പൊലീസ്​ കൊലപാതകങ്ങൾ രാജ്യത്തി​​െൻറ നിലനിൽപിന് ഭീഷണിയാണെന്ന്​ ചിലർ ചൂണ്ടിക്കാണിച്ചപ്പോൾ, ഇരയായവരുടെ ഉറ്റവർക്ക്​ വേഗത്തിൽ നീതികിട്ടിയെന്നാണ്​ മറ്റൊരു വിഭാഗം പ്രതികരിച്ചത്​. സംഭവത്തിൽ സ്വമേധയാ കേസെടുത്ത ദേശീയ മനുഷ്യാവകാശ കമീഷൻ, ഏറ്റുമുട്ടൽ കൊലയെക്കുറിച്ച്​ അന്വേഷണത്തിന്​ ഉത്തരവിട്ടു.

Hyderabad: Senior Police officials arrive at the site of the encounter. All four accused in the rape and murder of woman veterinarian in Telangana were killed in an encounter with the police when the accused tried to escape while being taken to the crime spot. https://t.co/TB4R8EuPyr pic.twitter.com/7fuG87MP0m

— ANI (@ANI) December 6, 2019

വ്യാ​ഴാ​ഴ്​​ച രാ​ത്രി​യാ​ണ്​ 25കാ​രി​യെ ബ​ലാ​ത്സം​ഗ​ത്തി​നി​ര​യാ​ക്കി കൊ​ന്ന​ശേ​ഷം ബ്ലാ​ങ്ക​റ്റി​ൽ പൊ​തി​ഞ്ഞ്​ തീ​കൊ​ളു​ത്തി​യ​ത്. ന​ഗ​ര​പ്രാ​ന്ത​ത്തി​ലെ ഷാ​ദ്​​ന​ഗ​റി​ൽ ടോ​ൾ പ്ലാ​സ​ക്ക​രി​കി​ൽ യു​വ​തി സ്​​കൂ​ട്ട​ർ പാ​ർ​ക്ക്​ ചെ​യ്യു​ന്ന​തു ​ക​ണ്ട പ്ര​തി​ക​ൾ, മ​ദ്യ​പാ​ന​ത്തി​നി​ടെ പ​ദ്ധ​തി ആ​സൂ​ത്ര​ണം ചെ​യ്യു​ക​യാ​യി​രു​ന്നു​. യു​വ​തി പോ​യ ​ശേ​ഷം പ്ര​തി​ക​ളി​ലൊ​രാ​ൾ സ്​​കൂ​ട്ട​റി​​​ന്‍റെ കാ​റ്റ​ഴി​ച്ചു​വി​ട്ടു.

പി​ന്നീ​ട് യു​വ​തി തി​രി​ച്ചു​ വ​ന്ന​പ്പോ​ൾ മ​റ്റൊ​രു പ്ര​തി, ട​യ​ർ ന​ന്നാ​ക്കാ​ൻ സ​ഹാ​യി​ക്കാം എ​ന്നു പ​റ​ഞ്ഞ്​ സ​മീ​പി​ക്കു​ക​യാ​യി​രു​ന്നു. സ​മീ​പ​ത്ത്​ നി​ർ​ത്തി​യി​ട്ട ലോ​റി​യി​ൽ ​നി​ന്ന്​ മ​റ്റു പ്ര​തി​ക​ൾ തു​റി​ച്ചു ​നോ​ക്കു​ന്ന​ത്​ ക​ണ്ട്​ ഭ​യ​ന്ന യു​വ​തി, ​അ​പ​രി​ചി​തന്‍റെ സ​ഹാ​യം സ്വീ​ക​രി​ക്കാ​ൻ നി​ർ​ബ​ന്ധി​ത​യാ​യി. ട​യ​റി​ൽ കാ​റ്റു​നി​റ​ച്ച്​ കൊ​ണ്ടു​വ​രാം എ​ന്ന്​ വാ​ഗ്​​ദാ​നം ചെ​യ്​​ത്​ പ്ര​തി സ്​​കൂ​ട്ട​റു​മാ​യി പോ​യ​പ്പോ​ൾ യു​വ​തി ടോ​ൾ പ്ലാ​സ​ക്കു സ​മീ​പം കാ​ത്തു​നി​ന്നു.

ക​ട അ​ട​ച്ചു​പോ​യെന്നും പ​റ​ഞ്ഞ്​ ഇ​യാ​ൾ തി​രി​ച്ചു​ വ​ന്നു. തു​ട​ർ​ന്ന്​ മ​റ്റു പ്ര​തി​ക​ളും ഒ​പ്പം ​ചേ​ർ​ന്ന്​ യു​വ​തി​യെ ബ​ല​മാ​യി പി​ടി​കൂ​ടി സ​മീ​പ​ത്തെ ഒ​രു കെ​ട്ടി​ട​ത്തി​ലേ​ക്ക്​ കൊ​ണ്ടു​ പോ​യി ബ​ലാ​ത്സം​ഗം ചെ​യ്​​തു. ബ​ല​പ്ര​യോ​ഗ​ത്തി​ൽ ശ്വാ​സം​മു​ട്ടി യു​വ​തി​യു​ടെ ജീ​വ​ൻ​പോ​യി. തു​ട​ർ​ന്ന്​ മൃ​ത​ദേ​ഹം ബ്ലാ​ങ്ക​റ്റി​ൽ പൊ​തി​ഞ്ഞ്​ ആ​ളൊ​ഴി​ഞ്ഞ സ്ഥ​ല​ത്തു കൊ​ണ്ടു​ പോ​യി തീ​കൊ​ളു​ത്തു​ക​യാ​യി​രു​ന്നു. പ്രദേശത്ത് നിന്ന് യുവതിയുടെ മൊബൈൽ ഫോൺ കത്തികരിഞ്ഞ നിലയിൽ കണ്ടെത്തിയിരുന്നു.