നീറ്റ്​ പരീക്ഷയെഴുതാൻ മകനുമായെത്തിയ ഡോക്​ടർ ആത്മഹത്യചെയ്​തു; കൊലപാതകക്കേസിൽ സംശയിച്ചിരുന്നയാളെന്ന്​ പൊലീസ്​

കുക്കട്​പള്ളി: തെലങ്കാനയിലെ കുക്കട്​പള്ളിയിൽ ദുരൂഹസാഹചര്യത്തിൽ ഡോക്​ടർ ആത്മഹത്യ ചെയ്​തു. ശിശുരോഗവിദഗ്ദ്ധനായ ഡോ. ചന്ദ്രശേഖറിനെയാണ്​ ഞായറാഴ്​ച ഹോട്ടൽ മുറിയിൽ ആത്മഹത്യ ചെയ്​തനിലയിൽ കണ്ടെത്തിയത്​. നിസാംപേട്ടിലെ ഇൻഡസ്​ വാലി സ്​കൂളിൽ നടക്കുന്ന നീറ്റ് പരീക്ഷ എഴുതാൻ മകൻ സോഹൻ സായ്, ഭാര്യ അനുരാധ എന്നിവരോടൊപ്പം ഞായറാഴ്​ച രാവിലെ ആറോടെയാണ്​ അദ്ദേഹം നഗരത്തിലെത്തിയത്​.

ഭാര്യയേയും മകനേയും പരീക്ഷ സെൻറിൽ ആക്കിയശേഷം ഡോക്​ടർ മടങ്ങുകയായിരുന്നു. ഇദ്ദേഹത്തി​െൻറ ഭാര്യയും ഡോക്​ടറാണ്​. ദമ്പതികൾ മേദകിൽ അനുരാധ എന്ന പേരിൽ ആശുപത്രി നടത്തിയിരുന്നു. ഇവിടെ അടിയന്തിര കേസുള്ളതിനാലാണ്​ ഡോക്​ടർ മടങ്ങിയത്​. എന്നാൽ ആശുപത്രിയിലേക്ക്​ പോകാതെ ഡോ. ചന്ദ്രശേഖർ ഗ്രാൻഡ് സിതാര ഹോട്ടലിൽ മുറി ബുക്​ ചെയ്​ത്​ അവിടെ തങ്ങുകയായിരുന്നു. മുറിയിൽ സീലിങ്​ ഫാനിൽ തൂങ്ങി മരിച്ചനിലയിലാണ്​ ഡോക്​ടറെ ക​െണ്ടത്തിയത്​. ഹോട്ടൽ ജീവനക്കാർ നടത്തിയ പരിശോധനയിലാണ്​ ഡോക്​ടറുടെ മൃതദേഹം കണ്ടെത്തിയത്​. പോസ്റ്റ്‌മോർട്ടത്തിനായി മൃതദേഹം ആശുപത്രിയിലേക്ക്​ മാറ്റി. പോലീസ് കേസ് രജിസ്റ്റർ ചെയ്​തു.

സംഭവ​െത്തപറ്റി പൊലീസ്​ പറയുന്നത്​

മേടക്കിലെ ഒരു റിയൽ എസ്​​​േറ്ററ്റ്​ ബ്രോക്കറായ ധർമ്മകാരി ശ്രീനിവാസിനെ കൊലപ്പെടുത്തിയ കേസിലെ പ്രതികളിലൊരാളുമായി ഡോക്​ടർ ബന്ധപ്പെട്ടിരുന്നു. കേസിലെ പ്രതികളെ മേടക് പോലീസ് അറസ്റ്റ് ചെയ്​തിരുന്നു. അന്നുമുതൽ ഡോക്​ടർ വിഷാദാവസ്​ഥയിലായിരുന്നു. ജില്ലയിൽ പ്രശസ്​തനായിരുന്ന ഡോക്​ടർ കൊലപാതകവുമായി ബന്ധപ്പെട്ട സാഹചര്യങ്ങളിൽ അസന്തുഷ്ടനായിരുന്നുവെന്നും അതാകും ആത്മഹത്യക്ക്​ കാരണമെന്നും പൊലീസ്​ പറഞ്ഞു.'ഡോക്ടറുടെ ആത്മഹത്യയുടെ കൃത്യമായ കാരണം ഇതുവരെ അറിവായിട്ടില്ല. കൂടാതെ മേടക് വധക്കേസുമായി അദ്ദേഹത്തിന് എന്തെങ്കിലും ബന്ധമുണ്ടോ എന്നത് ഇപ്പോഴും അന്വേഷിച്ചുകൊണ്ടിരിക്കുകയാണ്. അന്വേഷണം പൂർത്തിയായാൽ ഞങ്ങൾ ആവശ്യമായ നടപടി സ്വീകരിക്കും'-സി.​െഎ.ലക്ഷ്​മണയ്യ പറഞ്ഞു.