കുട്ടികൾ വാഹനമോടിച്ചു മാതാപിതാക്കൾ ജയിലിലായി

തെലുങ്കാന: പ്രായ പൂർത്തിയാവാത്ത കുട്ടികൾ ബൈക്കോടിച്ചതിന് മാതാപിതാക്കൾക്ക് ജയിൽ ശിക്ഷ. തെലുങ്കാനയിലെ ഹൈദരാബാദിലാണ് സംഭവം. പ്രത്യേക മജിസ്ട്രേറ്റ് കോടതിയാണ്  ഉത്തരവിട്ടത്.  പ്രായപൂർത്തിയാകാത്തവർ വാഹനമോടിക്കുന്നതിനെതിരെ കർശന നടപടിയാണ് ഹൈദരാബാദിൽ സ്വീകരിച്ചു വരുന്നത്. 

നേരത്തെ ഇത്തരത്തിൽ പിടിയിലായ 14 വയസ്സുകാരനെ ജുവനൈൽ ഹോമിൽ ഒരു ദിവസത്തെ തടവിന് കോടതി ശിക്ഷിച്ചിരുന്നു.  കഴിഞ്ഞ വർഷംമാത്രം പ്രായപൂർത്തിയാകാത്തവരുണ്ടാക്കിയ വാഹനാപകടങ്ങളിൽ നിരവധി പേർ മരിക്കുകയും പരിക്കേൽക്കുകയും ചെയ്തിരുന്നു.