കുട്ടികൾ വാഹനമോടിച്ചു; മാതാപിതാക്കൾ ജയിലിലായി

തെലങ്കാന: പ്രായ പൂർത്തിയാവാത്ത കുട്ടികൾ ബൈക്കോടിച്ചതിന് മാതാപിതാക്കൾക്ക് ജയിൽ ശിക്ഷ. തെലങ്കാനയിലെ ഹൈദരാബാദിലാണ് സംഭവം. പ്രത്യേക മജിസ്ട്രേറ്റ് കോടതിയാണ് ഉത്തരവിട്ടത്. പ്രായപൂർത്തിയാകാത്തവർ വാഹനമോടിക്കുന്നതിനെതിരെ കർശന നടപടിയാണ് ഹൈദരാബാദിൽ സ്വീകരിച്ചു വരുന്നത്. 

നേരത്തെ വാഹനമോടിച്ചതിന്​ പിടിയിലായ 14 വയസ്സുകാരനെ ജുവനൈൽ ഹോമിൽ ഒരു ദിവസത്തെ തടവിന് കോടതി ശിക്ഷിച്ചിരുന്നു. പ്രായപൂർത്തിയാകാത്തവരുണ്ടാക്കിയ വാഹനാപകടങ്ങളിൽ കഴിഞ്ഞ വർഷംമാത്രം നിരവധി പേർ മരിക്കുകയും പരിക്കേൽക്കുകയും ചെയ്തിരുന്നു.