നോട്ടു പിൻവലിക്കൽ അപമാനമുണ്ടാക്കിയെന്ന് ആർ.ബി.െഎ ജീവനക്കാർ
text_fields
ന്യൂഡൽഹി: നവംബർ എട്ടിന് പ്രഖ്യാപിച്ച നോട്ട് പിൻവലിക്കൽ തീരുമാനം അപമാനമുണ്ടാക്കിയെന്ന് ആർ.ബി.െഎ ജീവനക്കാർ. റിസർവ് ബാങ്ക് ഗവർണർ ഉൗർജിത് പേട്ടലിന് അയച്ച കത്തിലാണ് ജീവനക്കാർ ഇക്കാര്യം ചൂണ്ടിക്കാട്ടിയിരിക്കുന്നത്. നോട്ട് പിൻവലിക്കൽ തീരുമാനം പ്രഖ്യാപിക്കുന്നതിന് മുമ്പ് വേണ്ടത്ര മുന്നൊരുക്കമുണ്ടായില്ലെന്ന് വിമർശനവും കത്ത് ഉന്നയിക്കുന്നുണ്ട്.
ആർ.ബി.െഎയുടെ സ്വയംഭരണത്തിലേക്ക് സർക്കാർ കടന്നു കയറിയെന്ന് കത്തിൽ കുറ്റപ്പെടുത്തുന്നു. മേൽനോട്ടത്തിനായി ഉദ്യോഗസ്ഥനെ നിയമിച്ചതിനെയും ജീവനക്കാർ വിമർശിക്കുന്നുണ്ട്. വർഷങ്ങളുടെ പ്രയത്ന ഫലമായാണ് ആർ.ബി.െഎയുടെ സൽപ്പേര് ഉണ്ടാക്കിയെടുത്തത്. അത് നഷ്ടപ്പെടുന്നതിന് നോട്ട് പിൻവലിക്കൽ തീരുമാനം കാരണമായെന്നും ഇത് ജീവനക്കാരിൽ വേദനയുണ്ടാക്കിയതായും യുണൈറ്റഡ് ഫോറം ഒാഫ് റിസർവ് ബാങ്ക് ഒാഫീസേഴ്സ് എംപ്ലോയിസ് കത്തിൽ വ്യക്തമാക്കുന്നു.
നവംബർ എട്ടിലെ നോട്ട് പിൻവലിക്കലിന് ശേഷം വലിയതോതിലുള്ള വിമർശനങ്ങളാണ് ആർ.ബി.െഎക്ക് നേരിടേണ്ടി വന്നത്. ഇതിനെ തുടർന്ന് നോട്ട് പിൻവലിക്കൽ തീരുമാനം തങ്ങളുടെ നിർേദശ പ്രകാരമല്ല സർക്കാർ നടപ്പിലാക്കിയതെന്നും ആർ.ബി.െഎ വ്യക്തമാക്കിയിരുന്നു. തീരുമാനത്തിന് ശേഷം ബാങ്കുകളിൽ തിരിച്ചെത്തിയ അസാധു നോട്ടുകളുടെ കണക്കുകൾ ഇതുവരെയായിട്ടും റിസർവ് ബാങ്ക് പുറത്ത് വിട്ടിട്ടില്ല.