You are here

പൊലീസ്​ പിടിയിലും വികാസ്​ ദു​െബയുടെ ഭീഷണി; ​പിടിയിലാകുന്നത്​ ക്ഷേത്രത്തി​േലക്ക്​ കടക്കാൻ ശ്രമിക്കുന്നതിനിടെ 

13:48 PM
09/07/2020

ന്യൂഡൽഹി: അഞ്ചുദിവസത്തെ നാടകീയ സംഭവങ്ങൾക്ക്​ ശേഷം ​പൊലീസ്​ കസ്​റ്റഡിയിലായിട്ടും കൂസലില്ലാതെ ഉത്തർപ്രദേശിലെ മോസ്​റ്റ്​ വാണ്ടഡ്​ ക്രിമിനൽ വികാസ്​ ദുബെ. പൊലീസ്​ പിടികൂടുന്നതിനിടയിലും ‘മേം വികാസ്​ ദുബെ ഹും, കാൺപൂർ വാലാ’ എന്ന ഭീഷണി മുഴക്കുകയായിരുന്നു പൊലീസിന്​ മുന്നിൽ. 

60ൽ അധികം ക്രിമിനൽ കേസുകളിൽ പ്രതിയായ വികാസ്​ ദുബെയെ ദിവസങ്ങൾ നീണ്ട തെരച്ചിലിനുശേഷമാണ്​ പൊലീസ്​ പിടികൂടിയത്​. മധ്യപ്രദേശിലെ ഉജ്ജയിനിയിലെ മഹാകാൽ ​േക്ഷത്രത്തിൽനിന്നാണ്​ വികാസ്​ ദുബെയെ പിടികൂടുന്നത്​. യു.പി, ഹരിയാന, മധ്യപ്രദേശ്​ പൊലീസുകാർ നടത്തിയ സംയുക്ത പരിശോധനയിലാണ്​ കൊടും ക്രിമിനലിനെ പിടികൂടാനായത്​. 

വെളുത്ത വരയൻ ഷർട്ട്​ ധരിച്ചിരുന്ന വികാസ്​ ദുബെ ക്ഷേത്രത്തിൽ പ്രവേശിക്കുന്നതിന്​ മുമ്പ്​ ഒരു കടയിൽനിന്ന്​ പൂജ സാമഗ്രികൾ വാങ്ങിയിരുന്നു. ഇൗ സമയം ദുബെയെ തിരിച്ചറിഞ്ഞ കടക്കാരൻ സുരക്ഷ ഉദ്യോഗസ്​ഥരെ അറിയിക്കുകയായിരുന്നു. 

പിടിയിലാകുന്നത്​ ക്ഷേത്രത്തിലേക്ക്​ കടക്കാൻ ശ്രമിക്കുന്നതിനിടെ

ഉജ്ജയിനിയിലെ മഹാകാൽ ക്ഷേത്രത്തി​ൽ വികാസ്​ ദുബെയെ കണ്ടുവെന്ന വിവരം ലഭിച്ചതിനെ തുടർന്ന്​​ ക്ഷേത്ര സുരക്ഷ ഉദ്യോഗസ്​ഥരും പൊലീസുകാരും ജാഗ്രതയിലായിരുന്നു. ദുബെയെ കണ്ട വിവരം അറിയിച്ച ക്ഷേത്ര സുരക്ഷ ഉദ്യോഗസ്​ഥൻ ശ്രീകോവിലി​െൻ പിൻവശത്തെ വാതിലിലൂടെ അകത്തേക്ക്​ കടക്കാൻ ​ശ്രമിക്കുന്ന വിവരം നൽകുകയായിരുന്നുവെന്ന്​ സുരക്ഷ ഉദ്യോഗസ്​ഥരിൽ ഒരാൾ പറഞ്ഞു. കൊടുംകുറ്റവാളിക്കായുള്ള തെരച്ചിൽ ആരംഭിച്ചതുമുതൽ വികാസ്​ ദുബെയുടെ ഫോ​േട്ടാ ശ്രദ്ധയിൽപ്പെട്ടിരുന്നു. ഇൗ സമയം ദുബെ ക്ഷേത്രത്തിലെത്തിയെന്ന വിവരം ലഭിക്കുകയായിരുന്നു. കുറഞ്ഞ സമയത്തിനുള്ളിൽ വികാസ്​ ദുബെയെ സംബന്ധിച്ച കൂടുതൽ വിവരങ്ങൾ ആരാഞ്ഞു. ദുബെയെ തിരിച്ചറിയുന്നതിനായിരുന്നു അത്​. കൂടാതെ മേലുദ്യോഗസ്​ഥരെ അറിയിക്കുകയും ചെയ്​തു. സി.സി.ടി.വി ദൃശ്യങ്ങൾ പരിശോധിച്ച്​ ദുബെയാണെന്ന്​ ഉറപ്പുവരുത്തി. 

‘ക്ഷേത്രത്തിനകത്തേക്ക്​ ദുബെ കടന്നിരുന്നില്ല. ഒറ്റക്കാണ്​ ദുബെ നിന്നിരുന്നെങ്കിലും കൂട്ടാളികളുണ്ടാകുമെന്ന അനുമാനത്തിലായിരുന്നു. പിന്നീട്​ ഒരു ഡസനിലധികം പൊലീസുകാർ എത്തിയതോടെ ദുബെയെ പിടികൂടുകയായിരുന്നു. അവിടെനിന്ന്​ രക്ഷ​െപ്പടാൻ ശ്രമിച്ചെങ്കിലും പൊലീസുകാർ ശാരീരികമായി ദുബെയെ കീഴ്​പ്പെടുത്തി’ -അദ്ദേഹം പറഞ്ഞു. 

പൊലീസുകാർ ദുബെയെ വാഹനത്തികത്തേക്ക്​ കൊണ്ടുപോകുന്നതിനിടെ താൻ കാൺപൂരിലെ വികാസ്​ ദുബെയാണെന്ന്​ പൊലീസുകാരോട്​ ഭീഷണിമുഴക്കുന്നുണ്ടായിരുന്നു. ദുബെയുടെ പക്കൽനിന്ന്​ വ്യാജ തിരിച്ചറിയൽ കണ്ടെടുത്തു. രാജസ്​ഥാനിലെ കോട്ടയിൽ നിന്ന്​ റോഡുമാർഗം ഉജ്ജയിനിൽ എത്തിയതായാണ്​ വിവരം.  

കഴിഞ്ഞ വെള്ളിയാഴ്​ച കാൺപൂരിൽ വികാസ്​ ദുബെക്കായി നടത്തിയ തെര​ച്ചിലിനിടയിൽ എട്ടുപൊലീസുകാർ ഗുണ്ടാസംഘത്തി​​െൻറ വെടിയേറ്റ്​ മരിച്ചിരുന്നു. നിരവധി പേർക്ക്​ പരിക്കേൽക്കുകയും ചെയ്​തിരുന്നു. 

സംഭവത്തിന്​ ശേഷം യു.പിയിൽനിന്ന്​ ഹരിയാനയിലേക്ക്​ ദുബെ കടന്നതായി ​െപാലീസിന്​ വിവരം ലഭിച്ചിരുന്നു. തുടർന്ന്​ ഹരിയാന, മധ്യപ്രദേശ്​, ഡൽഹി, രാജസ്​ഥാൻ ​െപാലീസുകാർക്ക്​ കർശന ജാഗ്രത നിർദേശവും നൽകി. വികാസ്​ ദുബെയെ കണ്ടുപിടിക്കാൻ സഹായിക്കുന്നവർക്ക്​ പൊലീസ്​ അഞ്ചുലക്ഷം രുപ പാരിതോഷികവും ​പ്രഖ്യാപിച്ചിരുന്നു. 
 

Loading...
COMMENTS