വീട്ടമ്മയുടെ മരണം: ലോഡ്ജ് മാനേജർ അറസ്​റ്റിൽ

ഗൂ​ഡ​ല്ലൂ​ർ: വീട്ടമ്മയെ മ​രി​ച്ച നി​ല​യി​ൽ ക​ണ്ടെ​ത്തിയ സംഭവത്തിൽ ഒരാൾകൂടി അറസ്​റ്റിൽ. ഊട്ടി കാന്തൽ പുതുനഗർ സ്വദേശിനിയായ മാഗിയുടെ (53) മരണവുമായി ബന്ധപ്പെട്ട് ഈട്ടി ചേരിങ് േക്രാസിലെ സ്വകാര്യ ലോഡ്ജ് മാനേജർ ശേഖറാണ്​ (57)​ പിടിയിലായത്​. സംഭവവുമായി ബന്ധപ്പെട്ട് ക്യൂ ബ്രാഞ്ച് എസ്​.ഐ മുസ്​തഫയെ വെള്ളിയാഴ്ച അറസ്​റ്റ് ചെയ്തിരുന്നു.

മാഗിയുമായി ലോഡ്ജിൽ എത്തിയ എസ്​.ഐക്ക് മുറിനൽകിയ കുറ്റത്തിനും യുവതിയുടെ മരണം പൊലീസിനെ അറിയിക്കാതെ മറച്ചുവെച്ചതിനും കോവിഡ് മാനദണ്ഡം ലംഘിച്ചതടക്കമുള്ള വകുപ്പുകളിലുമാണ് മാനേജറെ അറസ്​റ്റ് ചെയ്തത്. അതേസമയം കേ​സി​ൽ കഴിഞ്ഞ ദിവസം അ​റ​സ്​​റ്റി​ലാ​യ ഊ​ട്ടി ക്യൂ​ബ്രാ​ഞ്ച് എ​സ്.​ഐ മു​സ്​​ത​ഫ​യെ കോ​ട​തി റി​മാ​ൻ​ഡ്​ ചെ​യ്​​തു.

കോ​വി​ഡ് പ​രി​ശോ​ധ​ന ന​ട​ത്താ​തെ കോ​യ​മ്പ​ത്തൂ​ർ സെ​ൻ​ട്ര​ൽ ജ​യി​ലി​ലേ​ക്ക് കൊ​ണ്ടു​പോ​യ പ്ര​തി​യെ പ്ര​വേ​ശി​ക്കാ​ൻ ജ​യി​ൽ സൂ​പ്ര​ണ്ട് വി​സ​മ്മ​തി​ച്ചു. തു​ട​ർ​ന്ന്​ ഗൂ​ഡ​ല്ലൂ​ർ സ​ബ്​ ജ​യി​ലി​ലേ​ക്ക് മാ​റ്റി. ഇ​വി​ടെ പ്ര​ത്യേ​ക സെ​ല്ലി​ൽ പ്ര​വേ​ശി​പ്പി​ച്ചി​രി​ക്കു​ക​യാ​ണ്. കോ​വി​ഡ് പ​രി​ശോ​ധ​ന​ക്കു​ള്ള സാ​മ്പി​ൾ ശേ​ഖ​രി​ച്ചു.

ഫ​ലം വ​ന്ന​തി​നു​ശേ​ഷം പ്ര​തി​യെ കോ​യ​മ്പ​ത്തൂ​രി​ലേ​ക്ക് ത​ന്നെ കൊ​ണ്ടു​പോ​കു​മെ​ന്ന് അ​ധി​കൃ​ത​ർ അ​റി​യി​ച്ചു.