Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightഭീമ-കൊരെഗാവ്...

ഭീമ-കൊരെഗാവ് സംഘര്‍ഷം: അഞ്ച് മനുഷ്യാവകാശ പ്രവര്‍ത്തകരെ വീട്ടുതടങ്കലില്‍ വെക്കും- സുപ്രീംകോടതി

text_fields
bookmark_border
ഭീമ-കൊരെഗാവ് സംഘര്‍ഷം: അഞ്ച് മനുഷ്യാവകാശ പ്രവര്‍ത്തകരെ വീട്ടുതടങ്കലില്‍ വെക്കും- സുപ്രീംകോടതി
cancel

ന്യൂഡൽഹി: വിയോജിപ്പ്​ ജനാധിപത്യത്തി​​​​െൻറ സുരക്ഷയുടെ സുഷിരമാണെന്ന്​ സുപ്രീംകോടതി. സുരക്ഷാ വാൽവ്​ അടച്ചുകളഞ്ഞാൽ പ്രഷർ കുക്കർ പൊട്ടിത്തെറിക്കുമെന്ന്​ സുപ്രീംകോടതി സർക്കാറിനെ ഒാർമിപ്പിച്ചു. ഭീകരപ്രവർത്തന നിരോധന നിയമമായ യു.എ.പി.എ ചുമത്തി അഞ്ചു പ്രമുഖ മനുഷ്യാവകാശ പ്രവർത്തകരെ അറസ്​റ്റു ചെയ്​തതുമായി ബന്ധപ്പെട്ട ഹരജി പരിഗണിച്ച ചീഫ്​ ജസ്​റ്റിസ്​ ദീപക്​ മിശ്രയുടെ നേതൃത്വത്തിലുള്ള അഞ്ചംഗ ബെഞ്ചി​േൻറതാണ്​ ഇൗ പരാമർശം. 

​പുണെ പൊലീസ്​ അറസ്​റ്റു ചെയ്​ത അഭിഭാഷക സുധ ഭരദ്വാജും മറ്റു നാലു പേ​രും അടുത്തമാസം ആറു വരെ വീട്ടുതടങ്കലിൽ കഴിയ​െട്ടയെന്ന്​ സുപ്രീംകോടതി നിർദേശിച്ചു. ഇവരുടെ അറസ്​റ്റ്​ ചോദ്യംചെയ്​ത്​ സമർപ്പിച്ച ഹരജിയിൽ മറുപടി നൽകാൻ മഹാരാഷ്​ട്ര സർക്കാറിനോടും കേന്ദ്രത്തോടും സുപ്രീംകോടതി ആവശ്യപ്പെട്ടു. ചോദ്യം ചെയ്യാൻ പുണെയിലേക്ക്​ കൊണ്ടുപോയ മൂന്നു സാമൂഹിക പ്രവർത്തകരെ ഇതോടെ വീടുകളിൽ പൊലീസ്​ തിരിച്ചെത്തിക്കേണ്ടി വരും. പ്രമുഖ ചരിത്രകാരി റൊമീല ഥാപ്പർ, സാമൂഹിക പ്രവർത്തകരായ പ്രഭാത്​ പട്​നായിക്​, സതീഷ്​ ദേശ്​പാണ്ഡെ, മാജാ ദാരുവാല, ദേവകി ജെയിൻ എന്നിവരാണ്​  അഭിഭാഷകൻ പ്രശാന്ത്​ ഭൂഷൺ മുഖേന  അറസ്​റ്റ്​ ചോദ്യം ചെയ്​ത്​ സുപ്രീംകോടതിയെ സമീപിച്ചത്​. 

മാവോവാദി​ ചിന്തകൻ വരവരറാവു, മനുഷ്യാവകാശ പ്രവർത്തകരായ സുധ ഭരദ്വാജ്, അരുൺ ഫെരേര, ഗൗതം നവ്​ലഖ, വെർണൻ ഗൊൺസാൽവസ്​ എന്നിവരുടെ അറസ്​റ്റ്​ എതിർപ്പുകൾ അടിച്ചമർത്തുന്നതിന്​ ഉദ്ദേശിച്ചാണെന്ന്​ ഹരജിയിൽ കുറ്റപ്പെടുത്തി. അറസ്​റ്റും തുടർനടപടികളും മരവിപ്പിച്ച്​ വിഷയത്തെക്കുറിച്ച്​ സ്വതന്ത്ര അന്വേഷണം നടത്തണം. 
അധികാരത്തിലിരിക്കുന്ന പാർട്ടിയുടെ ചിന്താധാരയോട്​ വിയോജിക്കുന്നവരെ തെളിവൊന്നുമില്ലാതെ അടിച്ചമർത്താൻ പൊലീസിനെ ദുരുപയോഗം ചെയ്യുകയും എതിർപ്പി​​​​െൻറ ശബ്​ദങ്ങൾ ഇല്ലാതാക്കുകയും ജനങ്ങളിൽ ഭയപ്പാട്​ ഉണ്ടാക്കുകയുമാണ്​ ചെയ്യുന്നതെന്ന്​ ഹരജിയിൽ ചൂണ്ടിക്കാട്ടി. 

മാവോവാദി ഗ്രൂപ്പുകളുമായി ബന്ധമുള്ളവരാണ്​ അറസ്​റ്റിലായതെന്ന്​ പൊലീസ്​ വാദിച്ചു. നിലവിലെ രാഷ്​ട്രീയ സംവിധാനത്തോട്​ അവർക്ക്​ അസഹിഷ്​ണുതയാണ്​. മറ്റു നിയമവിരുദ്ധ സംഘങ്ങളുമായി ഇവർക്ക്​ ബന്ധമുണ്ടെന്ന്​ വ്യക്തമായ തെളിവുണ്ട്​. 35 കോളജുകളിൽനിന്ന്​ വിദ്യാർഥികളെ സ്വാധീനിച്ച്​ ആക്രമണങ്ങൾക്ക്​ ഇവർ പദ്ധതിയിടുകയായിരുന്നുവെന്നും പൊലീസ്​ ആരോപിച്ചു. 

പുണെക്ക്​ സമീപം ഭീമ^കൊ​േറഗാവിൽ കഴിഞ്ഞ ജനുവരി ഒന്നിന്​ ദലിത്​ വിഭാഗക്കാരും മേൽജാതിക്കാരായ മാറാത്തകളും തമ്മിലുണ്ടായ ഏറ്റുമുട്ടലുമായി ബന്ധപ്പെട്ടാണ്​ അറസ്​റ്റ്​ നടന്നത്​. എന്നാൽ, ഇപ്പോൾ അറസ്​റ്റു ചെയ്​തവർക്ക്​ ഇതുമായുള്ള ബന്ധം പൊലീസ്​ വിശദീകരിക്കുന്നുമില്ല. മാവോവാദി ബന്ധം ആരോപിച്ച്​ ജൂണിൽ അറസ്​റ്റ്​ ചെയ്​ത മലയാളി റോണ വിൽസൺ, സുധീർ ധവ്​ലെ, സുരേന്ദ്ര ഗാഡ്​ലിങ്​, മഹേഷ്​ റാവത്ത്​, ഷോമ സെൻ എന്നിവരെ ചോദ്യം ചെയ്​തതിനെ തുടർന്നാണ്​ ചൊവ്വാഴ്​ച വിവിധ സംസ്​ഥാനങ്ങളിൽ റെയ്​ഡും അറസ്​റ്റും നടന്നത്​. യു.എ.പി.എ ചുമത്തിയാൽ സംശയിക്കുന്നയാളെ വാറൻറില്ലാതെ അറസ്​റ്റു ചെയ്യാൻ പൊലീസിന്​ അധികാരം ലഭിക്കും. ജാമ്യംപോലും ലഭിക്കില്ല. 

പൊലീസ്​ നീക്കം പൊളിഞ്ഞു
വ​ര​വ​ര റാ​വു, സു​ധ ഭ​ര​ദ്വാ​ജ്​ എ​ന്നി​വ​ര​ട​ക്കം അ​ഞ്ചു ​പേ​രെ ക​സ്​​റ്റ​ഡി​യി​ൽ വി​ട്ടു​കി​ട്ടാ​നു​ള്ള പൊ​ലീ​സി​​​െൻറ ശ്ര​മ​മാ​ണ്​ സു​പ്രീം​കോ​ട​തി നി​ർ​ദേ​ശം വ​ഴി ന​ട​ക്കാ​തെ പോ​യ​ത്.  മ​ഹാ​രാ​ഷ്​​ട്ര​യി​ലേ​ക്ക്​ റി​മാ​ൻ​ഡി​ൽ കൊ​ണ്ടു​പോ​കാ​നു​ള്ള ശ്ര​മ​വും ത​ട​യ​പ്പെ​ട്ടു. എ​ല്ലാ​വ​ർ​ക്കും അ​വ​ര​വ​രു​ടെ വീ​ടു​ക​ളി​ൽ​ത​ന്നെ പൊ​ലീ​സ്​ നി​രീ​ക്ഷ​ണ​ത്തോ​ടെ ക​ഴി​യാം. കേ​സ്​ സെ​പ്​​റ്റം​ബ​ർ ആ​റി​ന്​ സു​പ്രീം​കോ​ട​തി വീ​ണ്ടും പ​രി​ഗ​ണി​ക്കു​ന്ന​തു​വ​രെ​യാ​ണ്​ വീ​ട്ടു​ത​ട​ങ്ക​ൽ.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:septemberhouse arrestactivistssupreme court
News Summary - House Arrest For 5 Activists Till September 6- India news
Next Story