ആ ഡോക്​ടർമാർ വീണ്ടും കർമനിരതരായി; പെറ്റമ്മയുടെ ചിതയെരിഞ്ഞു തീരും മുമ്പേ..

അഹമ്മദാബാദ്​: പെറ്റമ്മയുടെ വിയോഗത്തിന്‍റെ​ നെഞ്ചുലക്കുന്ന വേദനയിലും ജീവനോടു മല്ലടിക്കുന്ന രോഗികൾക്കരികിലേക്ക്​ ഓടിയെത്തിയിരിക്കുകയാണ്​ ആ​ ഡോക്​ടർമാർ. ഗുജറാത്തിലെ ഡോക്​ടർമാരായ ശിൽപ പ​േട്ടലും രാഹുൽ പർമറുമാണ് സ്വന്തം അമ്മമാരു​െട ചിതയിലെ കനലെരിഞ്ഞു തീരുന്നതിന്​ മുമ്പേ തിരികെ ജോലിയിൽ പ്രവേശിച്ചത്​.

വഡോദരയിലെ എസ്​.എസ്​.ജി ആശുപത്രിയിൽ ​േജാലി ചെയ്യുന്ന ഡോ.ശിൽപ പ​േട്ടലിന്‍റെ മാതാവ്​ കന്ത അംബലാൽ പ​േട്ടൽ കോവിഡ്​ ബാധിച്ച്​ ചികിത്സയിലായിരുന്നു. ഒരാഴ്ചയോളം തീവ്രപരിചരണ വിഭാഗത്തിൽ തുടർന്ന അവർ വ്യാഴാഴ്ച പുലർ​ച്ചെ 3.30ഓടെ മരണത്തിന്​ കീഴടങ്ങി. 77കാരിയായ മാതാവിന്‍റെ സംസ്​കാര കർമങ്ങൾ നിർവഹിച്ചശേഷം രാവിലെ ഒമ്പതരയോടെ ഡോ.ശിൽപ തന്‍റെ പി.പി.ഇ കിറ്റിനുള്ളിൽ കർമനിരതയായി.

വെള്ളിയാഴ്ച ഗുജറാത്തിലെ ഗാന്ധിനഗറിൽ നിര്യാതയായ 67കാരിയായ മാതാവ്​ കന്ത പർമറിന്‍റെ അന്ത്യകർമങ്ങൾ നിർവഹിച്ച ഉടനെ​​ തന്നെ ഡോ.രാഹുൽ പർമർ ജോലിയിൽ പ്രവേശിച്ചു. വാർധക്യസഹജമായ അസുഖത്താലാണ്​ ഡോ.രാഹുല​ിന്‍റെ മാതാവ്​ മരിച്ചത്​. കോവിഡ്​ നോഡൽ ഓഫിസറും മധ്യ ഗുജറാത്തിലെ ആശുപത്രിയിലെ മൃതദേഹം സംസ്​കരിക്കുന്ന സംഘാംഗവുമാണ്​ രാഹുൽ പർമർ.