കോവിഡിനെ സാധാരണ ജലദോഷമായി അവഗണിക്കരു​ത് സൗമ്യ സ്വാമിനാഥൻ

ന്യൂഡൽഹി: കോവിഡിന്റെ ജെ.എൻ.1 വകഭേദം പടർന്നാൽ രോഗം ബാധിച്ച് ആശുപത്രിയിൽ പ്രവേശിപ്പിക്കപ്പെടുന്നവരുടെ എണ്ണം വർധിക്കുമെന്ന് ലോകാരോഗ്യ സംഘടനുടെ മുൻ മുഖ്യ ശാസ്ത്രജ്ഞ സൗമ്യ സ്വാമിനാഥൻ. കോവിഡിനെ സാധാരണ ജലദോഷമായി മാത്രം കണ്ട് അവഗണിക്കാനാവില്ലെന്നും അവർ പറഞ്ഞു. കോവിഡ് ദീർഘകാല ആരോഗ്യ പ്രശ്നങ്ങളുണ്ടക്കും. ഹൃദയാഘാതത്തിനും സ്ട്രോക്കിനും മാനസിക പ്രശ്നങ്ങൾക്കും വരെ കോവിഡ് കാരണമായേക്കുമെന്നും അവർ മുന്നറിയിപ്പ് നൽകി.

അതേസമയം, വാക്സിൻ സ്വീകരിച്ചവരുടെ നിരക്ക് ഇന്ത്യയിൽ ഉയർന്നതായതിനാൽ കോവിഡിന്റെ ഭീഷണിയെ രാജ്യത്തിന് അതിജീവിക്കാനാകുമെന്നും സൗമ്യ സ്വാമിനാഥൻ പറഞ്ഞു. എൻ.ഡി.ടി.വിക്ക് നൽകിയ അഭിമുഖത്തിലാണ് അവരുടെ പ്രതികരണം. കോവിഡ് കേസുകൾ ഉയർന്നാലും അതിനെ നേരിടാൻ രാജ്യം സജ്ജമാണെന്നും സൗമ്യ സ്വാമിനാഥൻ പറഞ്ഞു. 2021ൽ കോവിഡി​ന്റെ അപകടകരമായ ഡെൽറ്റ വകഭേദത്തെ നേരിട്ട പരിചയസമ്പത്ത് ഇന്ത്യക്കുണ്ടെന്നും സൗമ്യ സ്വാമിനാഥൻ കൂട്ടിച്ചേർത്തു.

കോ​വി​ഡ് കേ​സു​ക​ൾ വ​ർ​ധി​ക്കു​ന്ന​തി​ലും പു​തി​യ വ​ക​ഭേ​ദ​മാ​യ ജെ.​എ​ൻ.1 ക​ണ്ടെ​ത്തി​യ​തി​ലും ആ​ശ​ങ്ക​പ്പെ​ടാ​നു​ള്ള സാ​ഹ​ച​ര്യ​മി​ല്ലെ​ന്നും എ​ന്നാ​ൽ, മു​ൻ​ക​രു​ത​ൽ ന​ട​പ​ടി​ക​ളി​ൽ ഒ​രു വീ​ഴ്ച​യും പാ​ടി​ല്ലെ​ന്നും കേ​ന്ദ്ര ആ​രോ​​ഗ്യ​മ​ന്ത്രി മ​ൻ​സൂ​ഖ് മാ​ണ്ഡ​വ്യ വ്യ​ക്ത​മാ​ക്കി. കോ​വി​ഡ് കേ​സു​ക​ൾ ഉ​യ​രു​ന്ന സാ​ഹ​ച​ര്യ​ത്തി​ൽ കേ​ന്ദ്ര ആ​രോ​ഗ്യ മ​ന്ത്രാ​ല​യം ബു​ധ​നാ​ഴ്ച വി​ളി​ച്ചു​ചേ​ർ​ത്ത ഉ​ന്ന​ത​ത​ല യോ​ഗ​ത്തി​ലാ​ണ് സം​സ്ഥാ​ന​ങ്ങ​ളോ​ട് ജാ​ഗ്ര​ത പു​ല​ർ​ത്ത​ണ​മെ​ന്ന് മ​ന്ത്രി ആ​വ​ശ്യ​പ്പെ​ട്ട​ത്. ആ​രോ​​ഗ്യ മേ​ഖ​ല രാ​ഷ്ട്രീ​യം ക​ളി​ക്കാ​നു​ള്ള​ത​ല്ലെ​ന്നും സം​സ്ഥാ​ന​ങ്ങ​ൾ​ക്ക് എ​ല്ലാ പി​ന്തു​ണ​യും ന​ൽ​കാ​ൻ കേ​ന്ദ്രം ത​യാ​റാ​ണെ​ന്നും മ​ൻ​സൂ​ഖ് മാ​ണ്ഡ​വ്യ യോ​ഗ​ത്തി​ൽ വ്യ​ക്ത​മാ​ക്കി.

മു​ഴു​വ​ൻ സ​ർ​ക്കാ​ർ സം​വി​ധാ​ന​ങ്ങ​ളും ഒ​രു​മി​ച്ച് പ്ര​വ​ർ​ത്തി​ക്കേ​ണ്ട സ​മ​യ​മാ​ണി​തെ​ന്ന് മാ​ണ്ഡ​വ്യ പ​റ​ഞ്ഞു. എ​ല്ലാ ആ​ശു​പ​ത്രി​ക​ളോ​ടും മൂ​ന്ന് മാ​സ​ത്തി​ലൊ​രി​ക്ക​ൽ മോ​ക് ഡ്രി​ൽ ന​ട​ത്ത​ണം. ശൈ​ത്യ​കാ​ല​വും വ​രാ​നി​രി​ക്കു​ന്ന ഉ​ത്സ​വ​കാ​ല​വും ക​ണ​ക്കി​ലെ​ടു​ത്ത് സം​സ്ഥാ​ന​ങ്ങ​ൾ പ്ര​തി​രോ​ധ ന​ട​പ​ടി​ക​ൾ കൈ​ക്കൊ​ള്ള​ണ​മെ​ന്നും മ​ന്ത്രി അ​ഭ്യ​ർ​ഥി​ച്ചു.