നവജാതശിശുവിന്​​ കോവിഡ്​ ഭേദമായി: കൈയടിച്ച്​ യാത്രയാക്കി ആശുപത്രി ജീവനക്കാർ 

മുംബൈ: മഹാരാഷ്​ട്രയിൽ 36 ദിവസം പ്രായമുള്ള കുഞ്ഞ്​ കോവിഡി​​​െൻറ പിടിയിൽ നിന്ന്​ മോചിതയായി. കുഞ്ഞിന്​ ആശുപത്രി ജീവനക്കാർ കൈയടികളോടെ ആശംസകളർപ്പിച്ചു. മുംബൈയിലെ സിയോൺ ആശുപത്രിയിലാണ്​ സംഭവം.

ഡോക്​ടർമാരും നഴ്​സുമാരും ഉൾപ്പെടെയുള്ളവരാണ്​ വ്യത്യസ്​തമായ വിധത്തിൽ അമ്മക്കും കുഞ്ഞിനും ആശംസകളർപ്പിച്ചത്​. മഹാരാഷ്​ട്ര മുഖ്യമന്ത്രി ഉദ്ധവ്​ താക്കറെയുടെ ഔദ്യോഗിക ട്വിറ്റർ ഹാൻഡിലിൽ സംഭവത്തി​​​െൻറ ദൃശ്യം പങ്ക​ുവെച്ചു.

‘‘പോരാട്ടത്തിന് മഹാരാഷ്​ട്രയിലെ ജനങ്ങൾക്ക്​​ പ്രായം ഒരു തടസമേ അല്ല. മുംബൈയിലെ സിയോൺ ആശുപത്രിയിൽ 36 ദിവസം പ്രായമായ കുഞ്ഞ്​ കോവിഡിൽ നിന്ന്​ മുക്തയായി. ഡോക്​ടർമാരും നഴ്​സുമാരും വാർഡ്​ ബോയ്​സും അടങ്ങിയ സംഘത്തിന്​ അഭിനന്ദനങ്ങൾ’’ എന്ന കുറിപ്പോടെയാണ്​ മുഖ്യമന്ത്രിയുടെ ട്വിറ്ററിൽ വിഡിയോ വന്നത്​. 

സംസ്ഥാന ടൂറിസം മന്ത്രി ആദിത്യ താക്കറെ കൈയടിയുടെ ഇമോജികളോടെ ഈ വാർത്ത പങ്കുവെച്ചു. മൂന്ന്​ ലക്ഷം ആളുകളാണ്​ ഇതിനകം വിഡിയോ കണ്ടത്​. ‘പ്രതീക്ഷയുടെ കിരണം’ എന്ന്​ വിശേഷിപ്പിച്ചാണ്​ ട്വിറ്റർ ഉപയോക്താക്കളിൽ പലരും ഈ വാർത്തയോട്​ പ്രതികരിച്ചത്​. ആരോഗ്യ പ്രവർത്തകരുടെ പ്രവർത്തനങ്ങൾക്ക്​ വലിയ അഭിനന്ദനങ്ങളാണ്​ വിവിധ ഭാഗങ്ങളിൽ നിന്ന്​ വരുന്നത്​.

For people of Maharashtra, age is no bar when it comes to putting up a fight. 36 days old baby recovered from COVID-19 at Sion Hospital in Mumbai. Kudos to the team of Doctors, Nurses & Ward Boys  @mybmc pic.twitter.com/UmWOtY2JnG

— CMO Maharashtra (@CMOMaharashtra) May 27, 2020