‘30-40 വർഷം കൂടി ജീവിക്കുമെന്നാണ് പ്രതീക്ഷ’; പിൻഗാമിയെ തേടുന്നുവെന്ന റിപ്പോർട്ടുകൾക്കിടെ 90-ാം പിറന്നാൾ തലേന്ന് ദലൈലാമ

ധരംശാല: തിബത്തൻ ആത്മീയ നേതാവ് ദലൈലാമ പിൻഗാമിയെ തേടുന്നുവെന്ന വാർത്തകൾക്കിടെ അടുത്തിടെയൊന്നും അതിന്‍റെ ആവശ്യമില്ലെന്ന സൂചനയുമായി ലാമയുടെ പ്രതികരണം. 90-ാം പിറന്നാളിന്‍റെ തലേദിവസമായ ശനിയാഴ്ച പ്രാർഥനക്കെത്തിയ ദലൈലാമ, താൻ ഇനിയും 30-40 വർഷങ്ങൾ കൂടി ജനസേവനത്തിനായി ജീവിച്ചിരിക്കുമെന്ന് പ്രതീക്ഷിക്കുന്നതായി പറഞ്ഞു. അതിനായി അവലോകിതേശ്വരന്‍റെ അനുഗ്രഹം താൻ അറിയുന്നുവെന്നും ടെൻസിൻ ഗ്യാത്സോയിലെ ക്ഷേത്രത്തിൽ പ്രാർഥിച്ചശേഷം അദ്ദേഹം പറഞ്ഞു.

“എനിക്ക് അവലോകിതേശ്വരന്റെ അനുഗ്രഹമുണ്ട്. ഇതുവരെ എന്റെ പരമാവധി ചെയ്തു. ഇനിയും 30-40 വർഷം കൂടി ജീവിക്കാനാകുമെന്ന് ഞാൻ പ്രതീക്ഷിക്കുന്നു. നിങ്ങളുടെ പ്രാർഥനകൾ ഇതുവരെ ഫലം കണ്ടു. നമ്മുടെ രാജ്യം നഷ്ടപ്പെട്ടു, ഇന്ത്യയിൽ അഭയാർഥിയായ കഴിയുന്നതിനാൽ, ധരംശാലയിൽ താമസിക്കുന്നവർക്ക് സേവനം നൽകാൻ എനിക്ക് കഴിഞ്ഞു. ഇനിയും എനിക്ക് കഴിയുന്നത്രയും അവരെ സേവിക്കാൻ താൽപര്യപ്പെടുന്നു” -ദലൈലാമ പറഞ്ഞു.

ദ​ലൈ​ലാ​മ​യു​ടെ പി​ൻ​ഗാ​മി അ​ദ്ദേ​ഹ​ത്തി​​​​ന്റെ സ്വ​ന്തം ഇ​ഷ്ട​പ്ര​കാ​ര​മാ​യി​രി​ക്ക​ണ​മെ​ന്ന ന്യൂ​ന​പ​ക്ഷ​കാ​ര്യ മ​ന്ത്രി കി​ര​ൺ റി​ജി​ജു​വി​ന്റെ പ്ര​സ്താ​വ​ന​ക്കെതിരെ ചൈ​ന രംഗത്തെത്തിയിരുന്നു. ഉ​ഭ​യ​ക​ക്ഷി ബ​ന്ധ​ങ്ങ​ളെ ബാ​ധി​ക്കാ​തി​രി​ക്കാ​ൻ തി​ബ​റ്റു​മാ​യി ബ​ന്ധ​പ്പെ​ട്ട വി​ഷ​യ​ങ്ങ​ളി​ൽ ഇ​ന്ത്യ ജാ​ഗ്ര​ത​യോ​ടെ പ്ര​വ​ർ​ത്തി​ക്ക​ണ​മെ​ന്ന് ചൈ​നീ​സ് വി​​ദേ​ശ​കാ​ര്യ വ​ക്താ​വ് മാ​വോ നി​ങ് പ​റ​ഞ്ഞു. 14ാമ​ത് ദ​ലൈ​ലാ​മ​യു​ടെ ചൈ​ന വി​രു​ദ്ധ വി​ഘ​ട​ന​വാ​ദ സ്വ​ഭാ​വം ഇ​ന്ത്യ മ​ന​സ്സി​ലാ​ക്ക​ണ​മെ​ന്നും സി​സാ​ങ് (തി​ബ​റ്റ്) സം​ബ​ന്ധ​മാ​യ വി​ഷ​യ​ങ്ങ​ളി​ലെ പ്ര​തി​ബ​ദ്ധ​ത മാ​നി​ക്ക​ണ​മെ​ന്നും അ​വ​ർ പ​റ​ഞ്ഞു.

ദ​ലൈ​ലാ​മ​യു​ടെ പി​ൻ​ഗാ​മി​യെ​ക്കു​റി​ച്ചു​ള്ള തീ​രു​മാ​നം പ്ര​സ്ഥാ​ന​വും തി​ബ​റ്റ​ൻ ബു​ദ്ധ​മ​ത​ക്കാ​രു​ടെ നേ​താ​വും എ​ടു​ക്കു​മെ​ന്നും മ​റ്റാ​ർ​ക്കും അ​തി​ൽ പ​ങ്കി​ല്ലെ​ന്നും റി​ജി​ജു ക​ഴി​ഞ്ഞ​ദി​വ​സം പ​റ​ഞ്ഞി​രു​ന്നു. ദ​ലൈ​ലാ​മ​യു​ടെ പി​ൻ​ഗാ​മി​യെ​ക്കു​റി​ച്ചു​ള്ള അ​ഭി​പ്രാ​യ​ങ്ങ​ളോ​ട് ഇ​ന്ത്യ​ൻ സ​ർ​ക്കാ​റി​​ന്റെ പ്ര​തി​നി​ധി​യി​ൽ​നി​ന്നു​ള്ള ആ​ദ്യ പ്ര​തി​ക​ര​ണ​മാ​യി​രു​ന്നു അ​ത്. സ​മാ​ധാ​ന നൊ​​ബേ​ൽ സ​മ്മാ​ന ജേ​താ​വാ​യ ദേ​ലൈ​ലാ​മ​യു​ടെ പി​ന്തു​ട​ർ​ച്ചാ​വ​കാ​ശ പ​ദ്ധ​തി ചൈ​ന ത​ള്ളി​ക്ക​ള​ഞ്ഞ​തി​ന് പി​ന്നാ​ലെ​യാ​ണ് റി​ജി​ജു​വി​ന്റെ പ​രാ​മ​ർ​ശം.