സാമ്പത്തിക സംവരണ ബിൽ രാജ്യസഭ പാസാക്കുമെന്ന്​ കരുതുന്നു​ -പ്രധാനമന്ത്രി

സൊലാപുർ: സാമൂഹിക നീതി നടപ്പാക്കുന്നതിലേക്കുള്ള വലിയൊരു ചുവടുവെപ്പാണ്​ മുന്നാക്കക്കാരിലെ പിന്നാക്ക വിഭാ ഗങ്ങൾക്ക്​ സംവരണം അനുവദിച്ചതെന്ന്​ പ്രധാനമന്ത്രി നരേന്ദ്രമോദി. സാമ്പത്തിക സംവരണം അനുവദിക്കുന്ന ബിൽ പ്രതിഷേധങ്ങൾക്കിടയിലും രാജ്യസഭയിൽ പാസാകുമെന്നാണ്​ കരുതുന്നതെന്നും പ്രധാനമന്ത്രി മഹാരാഷ്​ട്രയിൽ പറഞ്ഞു.

അനീതിക്ക്​ അവസാനമായിരിക്കുന്നു. അവസരങ്ങളുടെ തുല്യത ആവശ്യമാണ്​. സാമ്പത്തിക സംവരണത്തെ രാഷ്​ട്രീയവത്​കരിക്കരു​െതന്നും പ്രധാനമന്ത്രി കൂട്ടിച്ചേർത്തു.

മുന്നാക്കക്കാരിലെ സാമ്പത്തികമായി പിന്നാക്കം നിൽകുന്നവർക്ക്​ 10 ശതമാനം സംവരണം അനുവദിക്കുന്ന ബില്ല്​ ഇന്നലെ ലോക്​സഭയിൽ പാസായിരുന്നു. ഇന്ന്​ രാജ്യസഭയിൽ ബില്ല്​ ചർച്ചക്ക്​ എടുക്കുന്നതിനായി ഒരു ദിവസം കൂടി സഭാസമ്മേളനം നീട്ടിയിരുന്നു.