ഡോക്​ടറായ നിങ്ങൾ ആളുകളെ ഭിന്നിപ്പിക്കാതെ മുറിവുണക്കുന്നയാളാവ​ട്ടെ -ബി.ജെ.പി നേതാവിന്​ ഉഗ്രൻ മറുപടി നൽകി രാജ്​ദീപ്​ സർദേശായി

ന്യൂഡൽഹി: ടെലിവിഷൻ ചർച്ചകളിൽ എതിരാളിക​ൾക്കെതിരെ കടുത്ത ആരോപണങ്ങളുയർത്തുന്ന രീതിയാണ്​ ബി.ജെ.പി വക്​താവ്​ ഡോ. സംബിത്​ പത്രയുടേത്​. പിടിച്ചുനിൽക്കാനാവാത്ത ഘട്ടത്തിൽ അവതാരകനെതിരെയും അദ്ദേഹം തിരിയും. ഇന്ത്യ ടുഡേ ചാനലിൽ പ്രമുഖ അവതാരകൻ രാജ്​ദീപ്​ സർദേശായിയെ കഴിഞ്ഞയാഴ്​ച ‘ചൈനീസ്​ ചാരൻ’ എന്ന്​ മുദ്രകുത്തിയ സംബിത്​ പത്ര, കഴിഞ്ഞ ദിവസം കശ്​മീരിൽ വയോധികൻ കൊല്ലപ്പെട്ട വിഷയത്തിൽ നടന്ന ചർച്ചയിലും അദ്ദേഹവുമായി ‘ഏറ്റുമുട്ടി’. ചർച്ച കഴിഞ്ഞ്​ അവതാരകരെ കൊമ്പുകുത്തിച്ചുവെന്ന്​ അവകാശപ്പെടുന്ന തരത്തിൽ ട്വിറ്ററിൽ പോസ്​റ്റുകളിടുന്നതാണ്​ ബി.ജെ.പി നേതാവി​​െൻറ പ്രധാന വിനോദങ്ങളിലൊന്ന്​. എന്നാൽ, ഈ അവകാശവാദങ്ങൾക്ക്​ ഉരുളക്കുപ്പേരി കണക്കെ മറുപടി നൽകി രാജ്​ദീപും രംഗത്തെത്തു​േമ്പാൾ സംഗതി കൊഴുക്കും. ഇത്തരത്തിൽ സംബിത്​ പത്രയുടെ ട്വീറ്റുകൾക്ക്​ രാജ്​ദീപ്​ നൽകിയ മറുപടികൾ വ്യാഴാഴ്​ച ട്വിറ്ററിൽ ട്രെൻഡിങ്​ ആയി. വിഭാഗീയകരമായ പരാമർശങ്ങൾ നടത്തുന്നതിനെതിരെ ‘ഡോക്​ടറെന്ന നിലയിൽ ആളുകളെ ഭിന്നിപ്പിക്കുന്നതിനു പകരം മുറിവുണക്കുന്നയാളായിരിക്കൂ’ എന്ന രാജ്​ദീപി​​െൻറ പരാമർശം വൈറലായി. നിങ്ങൾ കമ്യൂണിസ്​റ്റുകാരനാണെന്ന പത്രയുടെ പരാമർശത്തിനും രാജ്​ദീപി​​െൻറ മറുപടി കുറിക്കുകൊള്ളുന്നതായിരുന്നു.

‘‘ഇടതും വലതും: പ്രിയ സുഹൃത്ത്​ സംബിത്​, രണ്ടിനും എനിക്ക്​ സമയമില്ല. ഒരു ‘ഇസ’ത്തിൽ മാത്രമേ ഞാൻ വിശ്വസിക്കുന്നുള്ളൂ. അത്​ ഹ്യൂമനിസം (മനുഷ്യത്വം) ആണ്​. ആ മനസ്സുള്ളതിനാൽ ഒരു മൂന്നു വയസ്സുകാരനെ താഴ്​ന്ന നിലവാരത്തിലുള്ള രാഷ്​ട്രീയ പ്രചാരണങ്ങളുടെ ഇരയാക്കി മാറ്റാൻ എനിക്കൊട്ടും താൽപര്യമില്ല. നിങ്ങൾ നന്നായിരിക്ക​ട്ടെ.. ഡോക്​ടറെന്ന നിലയിൽ ആളുകളെ ഭിന്നിപ്പിക്കുന്നതിനു പകരം നിങ്ങൾ അവരുടെ മുറിവുണക്കുന്നയാളായിരിക്കുമെന്ന്​ പ്രത്യാശിക്കുന്നു..’’

Left and right: no time for either my friend @sambitswaraj . There is only one ‘ism’ that I believe in and that’s ‘humanism’, a mind which doesn’t make a 3 year old boy a victim of low level political propaganda. Stay well: hope as a doc you will be a healer and not a divider! https://t.co/Oq9zCIjKjX

— Rajdeep Sardesai (@sardesairajdeep) July 2, 2020

‘മൃതദേഹത്തിനു മുകളിൽ രാഷ്​ട്രീയവും?’ എന്ന വിഷയത്തിലാണ്​ കഴിഞ്ഞ ദിവസം ഇന്ത്യ ടുഡേ ചർച്ച നടത്തിയത്​. കഴിഞ്ഞ ദിവസം കശ്​മീരിലെ സോപോറിൽ മധ്യവയസ്​കൻ ആക്രമണത്തിൽ മരിച്ച വിഷയത്തിൽ സൈന്യം പറയു​ന്നതാണ്​ ശരിയെന്നു വാദിച്ച സംബിത്​ പത്ര, രാജ്​ദീപിന്​ സൈന്യത്തെ വിശ്വസമില്ലെന്നും മറ്റുമുള്ള ​പ്രസ്​താവനയും നടത്തിയിരുന്നു. ‘കേരളത്തിൽ കമ്യൂണിസ്​റ്റ്​ പാർട്ടി ഫലസ്​തീനിലെ  സ്​ത്രീയുടെ ചിത്രം പോസ്​റ്ററാക്കിയപ്പോൾ പാകിസ്​താനി വനിത ഈ പോസ്​റ്റർ ഐക്യരാഷ്​ട്ര സഭയിൽ ഉയർത്തിപ്പിടിച്ച്​ കശ്​മീരിൽ ആളുകൾ ദുരിതമനുഭവിക്കുന്നതി​​െൻറ ചിത്രമാണതെന്ന്​ പറഞ്ഞു. കോൺഗ്രസി​​െൻറയും കമ്യൂണിസ്​റ്റ്​ പാർട്ടിയുടെയും ചിത്രങ്ങൾ യു.എന്നിൽ ഇന്ത്യക്കെതിരെ ഉപയോഗിക്കുകയാണ്​. എന്നാൽ, കശ്​മീരിൽ കൊല്ലപ്പെട്ട മുത്തച്​ഛ​​െൻറ മൃതശരീരത്തിൽ ഇരിക്കുന്ന ബാല​​െൻറ ചിത്രം ജിഹാദികളുടെ ക്രൂരതയുടെ സാക്ഷ്യമായി ലോകത്തുടനീളം പ്രചരിപ്പിക്കണം’ -ചർച്ചയിൽ ബി.ജെ.പി വക്​താവ്​ പറഞ്ഞു. ഈ ചർച്ചയിൽ രാജ്​ദീപുമായി കൊമ്പുകോർത്തതിനു പിന്നാലെ ട്വിറ്ററിൽ പത്രയുടെ പോസ്​റ്റ്​ ഇങ്ങനെയായിരുന്നു. 

EXACTLY SIR ..the difference between YOU & me is the difference between a PARTY APPARATCHIK(meaning literally:
a member of a Communist Party apparat) & a patriotic citizen respectively
Have a super duper day  https://t.co/h1t4PPGgSd

— Sambit Patra (@sambitswaraj) July 2, 2020

‘സി.ആർ.പി.എഫുകാർ ആ സിവിലിയനെ പിടിച്ചുകൊണ്ടുവന്ന്​ കൊല്ലുകയായിരുന്നുവെന്ന്​ ത​​െൻറ റിപ്പോർട്ടർ പറഞ്ഞതായി രാജ്​ദീപ്​ പറയുന്നു. അദ്ദേഹത്തിന്​ ആർമിയെ വിശ്വസിക്കാൻ ഇഷ്​ടമാകുമായിരുന്നു...പക്ഷേ..
ഞാൻ പറഞ്ഞത്​, എനിക്ക്​ റിപ്പോർട്ടർമാർ പറയുന്നത്​ കേൾക്കേണ്ടതില്ല എന്നാണ്​. ഞാൻ സൈന്യം പറയുന്നത്​ എ​​െൻറ കണ്ണുമടച്ച് വിശ്വസിക്കും. അതാണ്​ ഞാനും നിങ്ങളും തമ്മിലുള്ള വ്യത്യാസം, രാജ്​ദീപ്​..ശുഭരാത്രി’ -ഇതായിരുന്നു പത്രയുടെ പോസ്​റ്റ്​. ഇതിന്​ രാജ്​ദീപി​​െൻറ മറുപടി ഇങ്ങനെ -‘ഡോ. സംബിത്​ പത്ര..നിങ്ങളും ഞാനും തമ്മിലുള്ള വ്യത്യാസം ഒരു ദേശസ്​നേഹിയായ പൗരനും പാർട്ടി ഭാരവാഹിയും തമ്മിലുള്ളതാണ്​. നല്ല ദിനമായിരിക്ക​ട്ടെ..’

Dr @sambitswaraj the difference between you and me is the diff between a patriotic citizen and a party apparatchik.. have a super day! https://t.co/ea8KzX18V8

— Rajdeep Sardesai (@sardesairajdeep) July 2, 2020

ഇതിന്​ പത്ര മറുപടിയുമായെത്തി. ‘തീർച്ചയായും സർ..നിങ്ങളും ഞാനും തമ്മിലുള്ള വ്യത്യാസം പാർട്ടി പ്രവർത്തകനും (കമ്യൂണിസ്​റ്റ്​ പാർട്ടി മെംബർ) ദേശസ്​നേഹിയായ പൗരനും തമ്മിലുള്ളതാണ്​. ഗംഭീര ദിവസമായിരിക്ക​ട്ടെ..’ ബി.ജെ.പി നേതാവി​​െൻറ ഈ കുറിപ്പിനാണ്​ മനുഷ്യത്വത്തിലാണ്​ വിശ്വാസമെന്നും ഡോക്​ടർ മുറിവുണക്കുമെന്ന്​ പ്രത്യാശിക്കുന്നുവെന്നും രാജ്​ദീപ്​ തകർപ്പൻ മറുപടി നൽകിയത്​.