ദുരഭിമാന കൊല: യു.പിയിൽ പെൺകുട്ടിയുടെ പിതാവിന്​ ജീവപര്യന്തം തടവ്​

പ്രതാപ്​ഗഢ്​​ (യു.പി): ഇതര ജാതിയിൽപ്പെട്ട യുവാവിനെ പ്രണയിച്ച പെൺകുട്ടിയെ തലയറുത്തു​ കൊന്ന പിതാവിനും നാല്​ ബന്ധുക്കൾക്കും ജീവപര്യന്തം തടവും 25,000 രൂപ പിഴയും ശിക്ഷ. പെൺകുട്ടിയുടെ പിതാവ്​ നവാബ്​ ബന്ധുക്കളായ സുഗൻ, സഗീർ അഹ്​മദ്​, നഫീസ്​ എന്നിവർക്കെതിരെയാണ്​ അഡീഷനൽ ജില്ല സെഷൻസ്​ കോടതി ശനിയാഴ്​ച ശിക്ഷ വിധിച്ചത്​.

ദുരഭിമാന കൊലയായി രജിസ്​റ്റർ ചെയ്​ത കേസിൽ ഒമ്പതു വർഷത്തിന്​ ശേഷമാണ്​ വിധി പ്രസ്​താവം.

2011 സെപ്​റ്റംബർ 13നാണ്​ പെൺകുട്ടിയുടെ തലയില്ലാത്ത മൃതദേഹം സാഗ്ര സുന്ദർപുരിലെ കനാലിന്​ സമീപം കണ്ടെത്തുന്നത്​. ശിരസ്സ്​ പിന്നീട്​ ഗോൺഡെ ഗ്രാമത്തിൽനിന്നും കണ്ടെത്തി. മകൾ ഇതര ജാതിക്കാരനായ യുവാവിനെ വിവാഹം കഴിക്കുന്നതുമൂലം കുടുംബത്തിനുണ്ടാകുന്ന അപമാനം ഭയന്ന പിതാവും ബന്ധുക്കളും ​േചർന്ന്​ കൊലപ്പെടുത്തുകയായിരുന്നുവെന്നാണ്​ ​പ്രോസിക്യൂഷൻ കേസ്​.