സ്വവർഗരതിക്കും വേശ്യാവൃത്തിക്കും സ്വീകാര്യത വേണം -സുപ്രീംകോടതി

ന്യൂഡൽഹി: സ്വവർഗരതിക്ക്​ പൊതുസ്വീകാര്യത ലഭിച്ചാൽ എച്ച്​.​െഎ.വി വ്യാപിക്കുന്നത്​ തടയാനും ആരോഗ്യപ്രശ്​നങ്ങൾ നേരിടാനും സഹായകരമാകുമെന്ന്​ സുപ്രീംകോടതിയുടെ അഞ്ചംഗ ഭരണഘടന ബെഞ്ച്​ അഭിപ്രായപ്പെട്ടു. വേശ്യാവൃത്തിക്ക്​ ലൈസൻസ്​ നൽകിയാലും അതാണുണ്ടാകുകയെന്നും സുപ്രീംകോടതി വ്യക്തമാക്കി. സ്വവർഗരതി കുറ്റകരമാക്കുന്ന ഇന്ത്യൻ ശിക്ഷനിയമം 377ാം വകുപ്പ്​ റദ്ദാക്കണമെന്നും ഒരേ ലിംഗത്തിൽപ്പെട്ടവർക്ക്​ വിവാഹം കഴിക്കാനുള്ള അവകാശം അനുവദിച്ച്​ നൽകണമെന്നും ആവശ്യപ്പെട്ട്​ സമർപ്പിച്ച ഹരജി ബെഞ്ച്​ വിധി പറയാനായി മാറ്റി. 

ക്രിസ്​ത്യൻ ചർച്ചുകൾക്കു​ വേണ്ടി ഹാജരായ അഡ്വ. മനോജ്​ ജോർജ്​, ട്രസ്​റ്റ്​ ഒാഫ്​ ഗോഡ്​ മിനിസ്​ട്രീസിനു വേണ്ടി ഹാജരായ അഡ്വ. കെ.​ രാധാകൃഷ്​ണൻ എന്നിവർ സ്വവർഗരതി​ കുറ്റകരമായി തുടരണമെന്ന്​ വാദിച്ചു. സ്വവർഗരതി എച്ച്​.​െഎ.വി വ്യാപിക്കുന്നതിന്​ കാരണമാകുമെന്ന ഇവരുടെ വാദം തള്ളിയ സുപ്രീംകോടതി എച്ച്​.​െഎ.വി വ്യാപിക്കുന്നത്​ തടയാനും ആരോഗ്യപ്രശ്​നങ്ങൾ നേരിടാനും സഹായകരമാകുമെന്ന്​ പറഞ്ഞു.

പൊതുസ്വീകാര്യത ഇല്ലാത്തതുമൂലം നിലവിൽ സ്വവർഗരതിക്കാരായ വ്യക്തികൾക്ക്​ വൈദ്യപരിരക്ഷ ലഭിക്കുന്നില്ലെന്നും അതിനാൽ അവരിൽ ലൈംഗിക ബന്ധത്തിലൂടെയുണ്ടാകുന്ന രോഗങ്ങൾ പകരാൻ സാധ്യതയേറെയാണെന്നും ജസ്​റ്റിസ്​ ചന്ദ്രചുഡ്​​ പറഞ്ഞു. എല്ലാ തരം അടിച്ചമർത്തല​ും തെറ്റാണെന്നും അദ്ദേഹം കൂട്ടിച്ചേർത്തു. ലൈംഗിക ബന്ധത്തിലേർപ്പെടുന്നതല്ല, സുരക്ഷിതമല്ലാത്ത ലൈംഗിക ബന്ധത്തിലേർപ്പെടുന്നതാണ്​ ഇൗ രോഗങ്ങൾക്കുള്ള കാരണം. 

നിരോധനം ഒരു സാമൂഹിക പ്രശ്​നവും പരിഹരിച്ചി​ട്ടി​െല്ലന്ന്​ ജസ്​റ്റിസ്​ രോഹിങ്​​ടൺ നരിമാൻ കൂട്ടിച്ചേർത്തു. വേശ്യാവൃ​ത്തിക്ക്​ ലൈസൻസ്​ നൽകിയാലേ അതിനെ നിയന്ത്രിക്കാനാകൂവെന്നും വിക്​ടോറിയൻ കാലത്തെ ധാർമികത പറഞ്ഞ്​ അതിനനുവദിക്കാതിരുന്നാൽ ആരോഗ്യപ്രശ്​നങ്ങളുണ്ടാക്കുമെന്നും ജസ്​റ്റിസ്​ നരിമാൻ തുടർന്നു. ഇഷ്​ടമുള്ള ജീവിത പങ്കാളിയെ ലിംഗഭേദമില്ലാതെ തിരഞ്ഞെടുക്കാനുള്ള സ്വാതന്ത്ര്യം ഭരണഘടന അനുവദിച്ചതാണെന്ന്​ സുപ്രീംകോടതി നേരത്തെ അഭിപ്രായപ്പെട്ടിരുന്നു.