Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightആധാറുണ്ടെങ്കിൽ മദ്യം...

ആധാറുണ്ടെങ്കിൽ മദ്യം വീട്ടിലെത്തും

text_fields
bookmark_border
ആധാറുണ്ടെങ്കിൽ മദ്യം വീട്ടിലെത്തും
cancel

മുംബൈ: മദ്യം വീട്ടിലെത്തിക്കുന്ന ആദ്യ സംസ്ഥാനമായി മാറാനൊരുങ്ങി മഹാരാഷ്​ട്ര. മദ്യപിച്ച്​ വാഹനമോടിക്കുന്ന സംഭവങ്ങൾ വർധിച്ചതോടെയാണ്​ ഇത്തരമൊരു നീക്കത്തിന്​ മഹാരാഷ്​ട്ര എക്​സൈസ്​ വകുപ്പ്​ ഒരുങ്ങുന്നത്​. നിലവിലുള്ള ഇ​-കോമേഴ്​സ്​ സംവിധാനത്തിന്​ സമാനമായിട്ടായിരിക്കും മഹാരാഷ്​ട്രയിൽ മദ്യവിൽപനയെന്ന്​ എക്​സൈസ്​ വകുപ്പ്​ സഹമന്ത്രി ചന്ദ്രശേഖർ ബവാൻകുല പറഞ്ഞു . പച്ചകറികളും മറ്റ്​ സാധനങ്ങളും എത്തുന്നത്​ പോലെ തന്നെ മദ്യവും വീട്ടിലെത്തിക്കുന്നതാണ്​ പദ്ധതിയെന്നും അദ്ദേഹം കൂട്ടിച്ചേർത്തു.

മദ്യം വാങ്ങുന്നവരുടെ വയസ്​ പരിശോധിക്കാനായി ഒാർഡർ നൽകു​േമ്പാൾ ഉപഭോക്​താകൾ അവരുടെ ആധാർ നമ്പർ കൂടി നൽകണം. ജിയോ ടാഗോട്​ കൂടിയ മദ്യകുപ്പികളാവും വിതരണം ചെയ്യുക. ഇത്​ വ്യാജ മദ്യ വിൽപനയും മദ്യക്കടത്തും തടയുമെന്നും എക്​സൈ്​ വകുപ്പ്​ മന്ത്രി അറിയിച്ചു.

നാഷണൽ ക്രൈം റെക്കോർഡ്​സ്​ ബ്യൂറോയുടെ കണക്ക്​ പ്രകാരം രാജ്യത്ത്​ നടക്കുന്ന അപകടങ്ങളിൽ1.5 ശതമാനവും മദ്യപിച്ച്​ വാഹനമോടിക്കുന്നത്​ മൂലം സംഭവിക്കുന്നതാണ്​​. മദ്യപിച്ച്​ വാഹനമോടിച്ചുണ്ടാകുന്ന അപകടങ്ങളിൽ യാത്രക്കാരുടെ മരണനിരക്ക്​ 42 ശതമാനമാണെന്നും കണക്കുകൾ വ്യക്​തമാക്കുന്നു.

Show Full Article
TAGS:maharashtra Liqour sale india news malayalam news 
News Summary - Home Delivery of Liquor in Maharashtra-India news
Next Story