യാത്രക്കിടെ പക്ഷിയെ ഇടിച്ചു; ആകാശ എയർ അടിയന്തരമായി തിരിച്ചിറക്കി

മുംബൈ: പറക്കുന്നതിനിടെ പക്ഷിയെ ഇടിച്ച ആകാശ എയർ വിമാനം അടിയന്തരമായി തിരച്ചിറക്കി. ശനിയാഴ്ച രാവിലെ മുംബൈയിൽ നിന്നും ബംഗളുരുവിലേക്ക് പുറപ്പെട്ട എ.കെ.ജെ 1103 വിമാനമാണ് മുംബൈയിൽ തിരിച്ചിറക്കിയത്.

യാത്രക്കിടെ കാബിനിൽ കരിഞ്ഞ മണം പടർന്നതോടെ അടിയന്തിരമായി തിരിച്ചിറക്കുകയായിരുന്നു. പരിശോധനയിൽ ഒന്നാമത്തെ എൻജിനിൽ പക്ഷിയുടെ അവശിഷ്ടം കണ്ടെത്തിയതായി ഡി.ജി.സി.എ ഉദ്യോഗസ്ഥർ പറഞ്ഞു. എൻജിനിൽ പക്ഷി ഇടിച്ചതിനെ തുടർന്നാണ് കരിഞ്ഞ മണം പടർന്നതെന്ന് അവർ കൂട്ടിച്ചേർത്തു.