You are here

കൊലപാതക കേസുകളിൽ ആൾ​ൈദവം രാംപാൽ കുറ്റക്കാരനെന്ന്​ കോടതി

13:55 PM
11/10/2018
god-man-rampal

ഹിസാർ(ഹരിയാന): 2014ൽ നടന്ന രണ്ട്​ കൊലപാതക കേസുകളിൽ സ്വയം പ്രഖ്യാപിത ആൾ​ൈദവം രാംപാൽ കുറ്റക്കാരനെന്ന്​ കോടതി. ഇയാൾക്കുള്ള ശിക്ഷാവിധി ഇൗ മാസം 16,17 തീയതികളിലായി നടക്കും. ഹരിയാനയി​ലെ ഹിസാർ ​അഡീഷണൽ സെഷൻസ്​ കോടതിയാണ്​ രാംപാൽ കുറ്റക്കാരനെന്ന്​ വിധിച്ചത്​.

നേരത്തെയുള്ള മറ്റു ചില കേസുകളുമായി ബന്ധപ്പെട്ട് രാംപാൽ​ ജയിലിലാണ്​. 2014 നവംബറിൽ ബർവാലയിലെ ആശ്രമത്തിൽ പൊലീസും രാംപാൽ അനുകൂലികളും തമ്മിൽ നടന്ന സംഘർഷത്തിൽ അഞ്ച്​ സ്​ത്രീകളും ഒരു കുട്ടിയുമുൾപ്പെടെ ആറു പേർ മരിച്ചതാണ് ആദ്യത്തെ​ കേസ്​. കൂടാതെ രാംപാലി​​​​​​​​​​​​​​െൻറ ആശ്രമത്തിൽ 2014 നവംബർ18ന്​ ഒരു സ്​ത്രീയെ മരിച്ച നിലയിൽ കണ്ടെത്തിയിരുന്നു.

രാംപാൽ ഉൾപ്പെടെ 23 പേരെയാണ്​ കുറ്റവാളികളെന്ന്​ കണ്ടെത്തിയത്​. ഇതിൽ മൂന്ന്​ സ്​ത്രീകളും ഉൾപ്പെട്ടിട്ടുണ്ട്​. ആറു പേർ രണ്ട്​ കേസുകളിലും കുറ്റവാളികളാണ്​.

Loading...
COMMENTS