ഹിന്ദു ദമ്പതികൾക്ക്​​ അഞ്ച്​ കുട്ടികളെങ്കിലും വേണമെന്ന്​ ബി.ജെ.പി എം.എൽ.എ

ലക്​നോ: ശ്രീരാമന്​ പോലും ബലാൽസംഗങ്ങൾ തടയാൻ കഴിയില്ലെന്ന പ്രസ്​താവനക്ക്​ പിന്നാലെ വീണ്ടും വിവാദ പ്രസ്​താവനയുമായി ബി.ജെ.പി എം.എൽ.എ സുരേന്ദ്രർ സിങ്​. ഹിന്ദു ദമ്പതികൾക്ക്​ അഞ്ചു കുട്ടികളെങ്കിലും വേണമെന്നാണ്​ സുരേന്ദ്രറി​​​െൻറ പുതിയ പ്രസ്​താവന.

ഹിന്ദു ദമ്പതികൾക്ക്​ അഞ്ച്​ കുട്ടികളെങ്കിലും വേണം. അല്ലെങ്കിൽ രാജ്യത്ത്​ ഹിന്ദുത്വം സംരക്ഷിക്കപ്പെടില്ല. കുട്ടികൾ ദൈവത്തി​​​െൻറ വരദാനമാണ്​. ഹിന്ദു ശക്​തമാവു​േമ്പാൾ മാത്രമേ ഇന്ത്യ ശക്​തമാവു. ഹിന്ദു ദുർബലമാവു​േമ്പാൾ ഇന്ത്യ ദുർബലമാവുമെന്നും അദ്ദേഹം പറഞ്ഞു. 

ജനസംഖ്യ നിയന്ത്രണവുമായി ഹിന്ദുക്കൾ മുന്നോട്ട്​ പോയാൽ അവർ ന്യൂനപക്ഷമാവുന്നതിലേക്ക്​ അത്​ നയിക്കുമെന്നും അദ്ദേഹം വ്യക്​തമാക്കി. നേരത്തെ ഭാരത്​ മാതാ കീ ജയ്​ എന്ന്​ വിളിക്കാത്ത ഇന്ത്യക്കാരെല്ലാം പാകിസ്​താനികളാണെന്ന യു.പി ബലിയയിൽ നിന്നുള്ള ബി.ജെ.പി എം.എൽ.യുടെ പ്രസ്​താവനയും വിവാദമായിരുന്നു.