Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightവിജയ് സേതുപതിയെ...

വിജയ് സേതുപതിയെ ചവിട്ടുന്നവർക്ക് പാരിതോഷികം പ്രഖ്യാപിച്ച് ഹിന്ദു മക്കൾ കക്ഷി

text_fields
bookmark_border
vijay sethupathi, arjun sampath
cancel

ചെന്നൈ: നടൻ വിജയ് സേതുപതിക്കെതിരെ വിവാദ പ്രസ്താവനയുമായി വലതുപക്ഷ സംഘടനയായ ഹിന്ദു മക്കൾ കക്ഷി. തേവർ സമുദായ നേതാവിനെ അപമാനിച്ച വിജയ് സേതുപതിയെ ചവിട്ടുന്നവർക്ക് 1001 രൂപ ഹിന്ദു മക്കൾ കക്ഷി പാരിതോഷികം പ്രഖ്യാപിച്ചു. സംഘടനയുടെ അധ്യക്ഷൻ അർജുൻ സമ്പത്ത് ഔദ്യോഗിക ട്വിറ്ററിലൂടെയാണ് പ്രഖ്യാപനം നടത്തിയത്.

തേവർ സമുദായ നേതാവ് മുത്തു രാമലിംഗ തേവരെയും രാജ്യത്തെയും അപമാനിച്ചെന്ന് ആരോപിച്ചാണ് ഹിന്ദു മക്കൾ കക്ഷി വിജയ് സേതുപതിക്കെതിരെ രംഗത്തെത്തിയത്. പാരിതോഷിക പ്രഖ്യാപനം ശരിയാണെന്ന് ഇന്ത്യ ടുഡെക്ക് നൽകിയ അഭിമുഖത്തിൽ അർജുൻ സമ്പത്ത് സ്ഥിരീകരിക്കുകയും ചെയ്തു.

ശിവഗംഗയിലെ തേവർ അയ്യ അനുസ്മരണ ചടങ്ങിൽ നിന്ന് വിട്ടുനിന്ന വിജയ് സേതുപതി, തേവർ അയ്യ വലിയ നേതാവല്ലെന്നും പ്രതികരിച്ചിരുന്നു. ഇതാണ് സംഘടനയെ പ്രകോപിപ്പിച്ചത്.

അന്തരിച്ച കന്നഡ നടന്‍ പുനീത് രാജ്കുമാറിന്‍റെ സ്മൃതിമണ്ഡപത്തില്‍ പുഷ്പാര്‍ച്ചന നടത്താന്‍ ബംഗളൂരു വി​മാ​ന​ത്താ​വ​ള​ത്തി​ലെത്തിയ വി​ജ​യ് സേ​തു​പ​തിയെ പിന്നിൽ നിന്ന് ചവിട്ടിവീഴ്ത്താൻ ശ്രമം നടന്നിരുന്നു. വി​മാ​ന​ത്താ​വ​ള​ത്തി​ന് പു​റ​ത്തേ​ക്ക് വി​ജ​യ് സേ​തു​പ​തി ന​ട​ന്ന് വ​രു​മ്പോ​ൾ പു​റ​കി​ലൂ​ടെ ഓ​ടി​യെ​ത്തി​യ ആൾ പി​ന്നി​ൽ നി​ന്ന് ച​വി​ട്ടുകയായിരു​ന്നു.

മദ്യ​ല​ഹ​രി​യി​ലാ​യി​രു​ന്ന ഇ​യാ​ൾ താരത്തെ പിന്നിലൂടെയെത്തി ആക്രമിക്കാൻ ശ്രമിക്കുന്നതിന്‍റെ വിഡിയോ സമൂഹമാധ്യമങ്ങളിൽ വ്യാപകമായി പ്രചരിച്ചിരുന്നു. സംഭവത്തിൽ ബംഗളൂരുവില്‍ സ്ഥിരതാമസക്കാരനായ ജോണ്‍സനെ പൊലീസ് കസ്റ്റഡിയിലെടുത്തു.

അ​ക്ര​മി​യെ വി​മാ​ന​ത്താ​വ​ള​ത്തി​ലെ സു​ര​ക്ഷാ​സേ​ന​യും വി​ജ​യ് സേ​തു​പ​തി​യു​ടെ ടീ​മി​ലെ അം​ഗ​ങ്ങ​ളും പേ​ർ​ന്ന് കീ​ഴ​ട​ക്കുകയായിരുന്നു. ആക്രമണ​ത്തി​ല്‍ വി​ജ​യ് സേ​തു​പ​തി​ക്കൊ​പ്പ​ം ഉ​ണ്ടാ​യി​രു​ന്ന ന​ട​ന്‍ മ​ഹാ​ഗ​ന്ധി​ക്ക് പ​രി​ക്കേ​റ്റിരുന്നു. സം​ഭ​വം വി​ജ​യ് സേ​തു​പ​തി​യു​ടെ ആ​രാ​ധ​ക​രി​ൽ വ​ലി​യ പ്ര​തി​ഷേധ​ത്തി​നും വ​ഴി തെ​ളി​ച്ചി​രുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Vijay SethupathiHindu Makkal Katchi
News Summary - Hindu Makkal Katchi announces cash prize for anyone who 'kicks' actor Vijay Sethupathi
Next Story