കൊറോണയെ തുരത്താൻ ഗോമൂത്ര സൽക്കാരം

ന്യൂഡൽഹി: ഗോമൂത്ര പാർട്ടി നടത്തി, രാജ്യത്തെ കൊ​റോണ വൈറസിൻെറ പിടിയിൽ നിന്നും രക്ഷപ്പെടുത്താനൊരുങ്ങി ഹിന് ദുമഹാസഭ. ചായ സൽക്കാര മാതൃകയിൽ രാജ്യമെമ്പാടും ഇതിനായി ഗോമൂത്ര പാർട്ടി നടത്തും. ഗോമൂത്രത്തിനൊപ്പം അഗർബത്തി പോലെ ഉപയോഗിക്കാൻ ചാണക വറളി ലഭ്യമാക്കുമെന്ന്​ ഹിന്ദുമഹാസഭ പ്രസിഡൻറ്​ ചക്രപാണി മഹാരാജ്​ അറിയിച്ചു.

ഗോമൂത്രം, ചാണക വറളി തുടങ്ങിവയുടെ ഉപയോഗം വർധിപ്പിക്കുന്നതിലൂടെ കൊറോണ വൈറസിനെ തുരത്താമെന്ന അവബോധം സൃഷ്​ടിക്കുകയാണ്​ സൽക്കാരത്തിൻെറ പ്രധാന ലക്ഷ്യം. ചായ സൽക്കാര മാതൃകയിൽ അതിനായി ഗോമൂത്ര പാർട്ടി സംഘടിപ്പിക്കും. അതിൽ കൊറോണ വൈറസിനെ സംബന്ധിച്ചും പശുവുമായി ബന്ധപ്പെട്ട ഉൽപ്പന്നങ്ങൾ വൈറസിനെ തുരത്തുന്നതെങ്ങനെയെന്നും ബോധവൽക്കരണം നൽകും.

ഗോമൂത്ര വിൽപ്പനക്കായി ​പ്രത്യേക കൗണ്ടറുകൾ തുറക്കും. ചാണകകേക്കും അഗർബത്തിയും ഇതുവഴി വിൽപ്പന നടത്തും. ഈ ഉൽപ്പന്നങ്ങൾ ഉപയോഗിക്കുന്നതിലൂടെ വൈറസ്​ ഉടൻ ചത്തുപോകു​െമന്നും ചക്രപാണി മഹാരാജ്​ പറഞ്ഞു.

ഗോമൂത്ര സൽക്കാരം ആദ്യം സംഘടിപ്പിക്കുക ഡൽഹിയിലെ ഹിന്ദു മഹാസഭ ഭവനിലായിരിക്കും. അതിനുശേഷം രാജ്യം മൊത്തം വ്യാപിപ്പിക്കും. രാജ്യമെമ്പാടുമുള്ള ഗോശാലകളു​മായി ബന്ധപ്പെടുത്തി കൊറോണയെ തുരത്താനുള്ള നടപടി സ്വീകരിക്കുമെന്നും അദ്ദേഹം പറഞ്ഞു.