അ​സം മു​ഖ്യ​മ​ന്ത്രി​യു​ടെ ഭാ​ര്യ ക​ർ​ഷ​ക​ർ​ക്കു​ള്ള 10​ കോ​ടി സ​ബ്സി​ഡി ത​ട്ടി​യെ​ന്ന്

ന്യൂ​ഡ​ൽ​ഹി: അ​സം മു​ഖ്യ​മ​ന്ത്രി ഹേ​മ​ന്ത ബി​ശ്വ ശ​ർ​മ​യു​ടെ ഭാ​ര്യ റി​ങ്കി ഭൂ​യ്യാ​ൻ ശ​ർ​മ കേ​ന്ദ്ര സ​ർ​ക്കാ​റി​ന്റെ ക​ർ​ഷ​ക​ർ​ക്കു​ള്ള 10 കോ​ടി രൂ​പ​യു​ടെ സ​ബ്സി​ഡി ത​ട്ടി​യ​ത് അ​ന്വേ​ഷി​ക്ക​ണ​മെ​ന്ന് കോ​ൺ​ഗ്ര​സ് ആ​വ​ശ്യ​പ്പെ​ട്ടു. റി​ങ്കി ഡ​യ​റ​ക്ട​റാ​യ പ്രൈ​ഡ് ഈ​സ്റ്റ് എ​ന്റ​ർ​ടെ​യി​ൻ​മെ​ന്റ്സ് പ്രൈ​വ​റ്റ് ലി​മി​റ്റ​ഡ് ക​മ്പ​നി​ക്കു​വേ​ണ്ടി തു​ച്ഛ​വി​ല​ക്ക് വാ​ങ്ങി​യ കൃ​ഷി​ഭൂ​മി വ്യ​വ​സാ​യ ഭൂ​മി​യാ​ക്കി മാ​റ്റി​യ ശേ​ഷ​മാ​ണ് അ​ന​ർ​ഹ​മാ​യി 10 കോ​ടി​യു​ടെ ആ​നു​കൂ​ല്യം ത​ട്ടി​യെ​ടു​ത്ത​തെ​ന്ന് ലോ​ക്സ​ഭ​യി​ലെ കോ​ൺ​ഗ്ര​സ് ഉ​പ നേ​താ​വ് ഗൗ​ര​വ് ഗൊ​ഗോ​യി ആ​രോ​പി​ച്ചു.

സ​ബ്സി​ഡി​യാ​യി റി​ങ്കി​യു​ടെ സ്ഥാ​പ​നം 10 കോ​ടി നേ​ടി​യ​തി​ന് തെ​ളി​വാ​യി കേ​ന്ദ്ര ഭ​ക്ഷ്യ​സം​സ്ക​ര​ണ മ​ന്ത്രാ​ല​യ​ത്തി​​ന്റെ ഗു​ണ​ഭോ​ക്താ​ക്ക​ളു​ടെ പ​ട്ടി​ക​യി​ൽ റി​ങ്കു​വി​ന്റെ പേ​രു​ള്ള​ത് ഗൊ​ഗോ​യി ഉ​യ​ർ​ത്തി​ക്കാ​ട്ടി.അ​തേ​സ​മ​യം, ത​ന്റെ ഭാ​ര്യ​യോ അ​വ​രു​ടെ ക​മ്പ​നി​യോ കേ​ന്ദ്ര സ​ർ​ക്കാ​റി​ൽ​നി​ന്ന് ഒ​രു സ​ബ്സി​ഡി​യും ഇ​തു​വ​രെ സ്വീ​ക​രി​ച്ചി​ട്ടി​ല്ലെ​ന്ന് അ​ഴി​മ​തി ആ​​രോ​പ​ണം നി​ഷേ​ധി​ച്ച മു​ഖ്യ​മ​ന്ത്രി ഹേ​മ​ന്ത ബി​ശ്വ ശ​ർ​മ അ​വ​കാ​ശ​പ്പെ​ട്ടു.

ഭാ​ര്യ​യു​ടെ സ്ഥാ​പ​നം കേ​​ന്ദ്ര സ​ബ്സി​ഡി സ്വീ​ക​രി​ച്ചു​വെ​ന്ന് തെ​ളി​യി​ച്ചാ​ൽ പൊ​തു​ജീ​വി​ത​ത്തി​ൽ​നി​ന്ന് വി​ര​മി​ക്കു​മെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. അ​തി​നി​ടെ, ആ​രോ​പ​ണം ച​ർ​ച്ച​ചെ​യ്യ​ണ​മെ​ന്നാ​വ​ശ്യ​പ്പെ​ട്ട് അ​സം നി​യ​മ​സ​ഭ​യി​ൽ പ്ര​തി​പ​ക്ഷ​മാ​യ കോ​ൺ​ഗ്ര​സ് കൊ​ണ്ടു​വ​ന്ന അ​ടി​യ​ന്ത​ര പ്ര​മേ​യ​ത്തി​ന് സ്പീ​ക്ക​ർ അ​നു​മ​തി നി​ഷേ​ധി​ച്ചു. ഇ​തി​ൽ പ്ര​തി​ഷേ​ധി​ച്ച് പ്ര​തി​പ​ക്ഷം സ​ഭ​യി​ൽ​നി​ന്ന് ഇ​റ​ങ്ങി​പ്പോ​യി.

അതേസമയം, ഗൗരവ് ഗൊഗോയിക്കെതിരെ 10 കോടി രുപയുടെ മാനനഷ്ടക്കേസ് ഫയൽ ചെയ്യുമെന്ന് റി​ങ്കി അറിയിച്ചു.