ഹിമാചലിൽ മണ്ണിടിച്ചിൽ; ഒരു മരണം

ഷിംല: ഹിമാചൽപ്രദേശിലെ കിനൗർ ജില്ലയിലുണ്ടായ മണ്ണിടിച്ചിലിൽ ഒരാൾ മരിച്ചു. നിരവധി പേർക്ക്​ പരിക്കേറ്റു. കിനൗറിലെ നിഗുൽസരി ഗ്രാമത്തിലാണ്​ ചൊവ്വാഴ്​ച പുലർച്ചെയോടെ ശക്തമായ മണ്ണിടിച്ചിലുണ്ടായത്​. പരിക്കേറ്റവരെ സമീപത്തെ ആശുപത്രിയിൽ പ്രവേശിപ്പിച്ചു. ദുരന്ത നിവാരണസേന രക്ഷാപ്രവർത്തനം തുടരുകയാണ്​.

തിങ്കളാഴ്​ച നൈനിറ്റാളിന്​ സമീപം ദേശീയപാത ഒമ്പതിലുണ്ടായ മണ്ണിടിച്ചിലിൽ രണ്ടുപേർ മരിച്ചിരുന്നു.