​ഹിമാചൽ പ്രദേശ്​ മുഖ്യമന്ത്രി: ബി.ജെ.പി എം.എൽ.എമാരുടെ യോഗം ഇന്ന്

ഷിംല: അനിശ്ചിതത്വം തുടരുന്ന ഹിമാചൽപ്രദേശിൽ മുഖ്യമന്ത്രിയെ കണ്ടെത്താൻ ബി.ജെ.പി എം.എൽ.എമാർ ഞായറാഴ്​ച​ യോഗം​ ചേരും. അഞ്ചു തവണ എം.എൽ.എയായ ജയ്​റാം ഠാകുർ, കേന്ദ്രമന്ത്രി ജെ.പി. നദ്ദ എന്നിവരാണ്​ മുഖ്യമന്ത്രി സ്​ഥാനത്തേക്ക്​ അവസാന പട്ടികയിലുള്ളത്​. മുഖ്യമന്ത്രി സ്​ഥാനാർഥിയായി അവതരിപ്പിക്കപ്പെട്ടിട്ടും തെരഞ്ഞെടുപ്പിൽ പരാജയം നേരിട്ട പ്രേംകുമാർ ധൂമൽ അവസാന നിമിഷം പിന്മാറി. ജയ്​റാം ഠാകുറിന്​ സാധ്യത കൽപിക്കുന്നവരാണ്​ സംസ്​ഥാന ഘടകത്തിൽ കൂടുതലുമെങ്കിലും അവസാന നിമിഷം നദ്ദക്ക്​ നറുക്കുവീണേക്കുമെന്ന സൂചന ശക്​തമാണ്​.