കോവിഡ്​ ബാധിതനായിരുന്ന ബി.ജെ.പി എം‌.എൽ.‌എ അന്തരിച്ചു

ന്യൂഡൽഹി: ഹിമാചൽ ബി.ജെ.പി എം‌.എൽ.‌എയും മുൻമന്ത്രിയുമായ നരീന്ദർ ബ്രാഗ്​ത (69) അന്തരിച്ചു. കോവിഡ്​ മുക്​തനായെങ്കിലും ഗുരുതരമായ ആരോഗ്യപ്രശ്​നങ്ങൾ നേരിട്ടതിനെ തുടർന്ന്​ ആശുപത്രിയിൽ ചികിത്സയിലായിരുന്നു. ചണ്ഡിഗഡിലെ പി‌.ജി.‌ഐ ആശുപത്രിയിൽ വെച്ചാണ്​ അന്ത്യം സംഭവിച്ചത്​.

മൂന്നുതവണ എം‌.എൽ.‌എയായിരുന്ന നരീന്ദർ രണ്ടുതവണ മന്ത്രിയുമായിരുന്നു. പ്രമുഖ ആപ്പിൾ കർഷകനായിരുന്ന അദ്ദേഹം നിലവിൽ ചീഫ്​ വിപ്പാണ്​.ആശുപത്രിയിൽ ചികിത്സയിലായിരുന്ന നരീന്ദറിനെ കഴിഞ്ഞ മുഖ്യമന്ത്രി ജയ് റാം താക്കൂർ സന്ദർശിച്ചിരുന്നു.