ശിരോവസ്ത്ര സമരം: വിദ്യാർഥിനികൾക്കും രക്ഷിതാക്കൾക്കുമെതിരെ അന്വേഷണം

ബം​ഗ​ളൂ​രു: ശി​രോ​വ​സ്ത്ര വി​വാ​ദ​ത്തി​ൽ സ​മ​ര​ത്തി​ന്​ തു​ട​ക്ക​മി​ട്ട ഉ​ഡു​പ്പി ഗ​വ. പി.​യു കോ​ള​ജി​ലെ ആ​റു വി​ദ്യാ​ർ​ഥി​നി​ക​ൾ​ക്കും അ​വ​രു​ടെ ര​ക്ഷി​താ​ക്ക​ൾ​ക്കു​മെ​തി​രെ പൊ​ലീ​സ്​ അ​ന്വേ​ഷ​ണം. വി​ദ്യാ​ർ​ഥി​നി​ക​ൾ​ക്കോ ര​ക്ഷി​താ​ക്ക​ൾ​ക്കോ ഏ​തെ​ങ്കി​ലും സം​ഘ​ട​ന​ക​ളു​മാ​യി ബ​ന്ധ​മു​ണ്ടോ എ​ന്ന കാ​ര്യം പ​രി​ശോ​ധി​ക്കാ​ൻ ആ​ഭ്യ​ന്ത​ര മ​ന്ത്രി അ​ര​ഗ ജ്ഞാ​നേ​ന്ദ്ര പൊ​ലീ​സി​ന്​ നി​ർ​ദേ​ശം ന​ൽ​കി.

പെ​ൺ​കു​ട്ടി​ക​ളു​ടെ ഫോ​ൺ​വി​ളി​യു​ടെ വി​വ​ര​ങ്ങ​ൾ വി​ശ​ദ​മാ​യി പ​രി​ശോ​ധി​ക്കാ​നും അ​വ​ർ ഏ​തെ​ങ്കി​ലും യോ​ഗ​ത്തി​ൽ പ​​ങ്കെ​ടു​ത്തി​രു​ന്നോ എ​ന്ന്​ ക​ണ്ടെ​ത്താ​നു​മാ​ണ്​ നി​ർ​​ദേ​ശം. ശി​രോ​വ​സ്ത്ര സ​മ​ര​ത്തി​നു​ പി​ന്നി​ൽ തീ​വ്ര​വാ​ദ ബ​ന്ധ​മു​ള്ള സം​ഘ​ട​ന​ക​ളാ​ണെ​ന്നാ​ണ്​ ക​ർ​ണാ​ട​ക സ​ർ​ക്കാ​റി​ന്‍റെ ആ​രോ​പ​ണം. ശി​രോ​വ​സ്ത്ര നി​രോ​ധ​ന​ത്തി​നെ​തി​രെ തി​ങ്ക​ളാ​ഴ്ച​യും ക​ർ​ണാ​ട​ക​യു​ടെ വി​വി​ധ ഭാ​ഗ​ങ്ങ​ളി​ൽ പ്ര​തി​ഷേ​ധം അ​ര​ങ്ങേ​റി.

ക​ഴി​ഞ്ഞ ദി​വ​സ​ങ്ങ​ളി​ൽ ശി​രോ​വ​സ്ത്രം ധ​രി​ച്ച വി​ദ്യാ​ർ​ഥി​നി​ക​ളെ ഗേ​റ്റി​ന്​ പു​റ​ത്താ​ക്കി​യ ഉ​ഡു​പ്പി കു​ന്താ​പു​ര ഗ​വ. പി.​യു കോ​ള​ജി​ൽ വി​ദ്യാ​ർ​ഥി​നി​ക​ളെ കാ​മ്പ​സി​ലെ ഹാ​ളി​ലേ​ക്ക്​ മാ​റ്റി. കോ​ള​ജി​ന്​ പു​റ​ത്തെ കു​ത്തി​യി​രി​പ്പ്​ സ​മ​ര​ത്തി​നി​ടെ​യു​ള്ള അ​നി​ഷ്ട സം​ഭ​വ​ങ്ങ​ൾ ഒ​ഴി​വാ​ക്കാ​നാ​ണ്​ സ​മ​ര​ത്തി​ന്​ പ്ര​ത്യേ​ക ഹാ​ൾ അ​നു​വ​ദി​ച്ച​തെ​ന്ന്​ അ​ധി​കൃ​ത​ർ വി​ശ​ദീ​ക​രി​ച്ചു. ശി​രോ​വ​സ്ത്ര​ത്തെ അ​നു​കൂ​ലി​ച്ചും പ്ര​തി​കൂ​ലി​ച്ചും സ​മ​രം തു​ട​രു​ന്ന​തി​നി​ടെ, ചൊ​വ്വാ​ഴ്ച ഇ​തു​സം​ബ​ന്ധി​ച്ച്​ വി​ദ്യാ​ർ​ഥി​നി​ക​ൾ ഹ​ര​ജി​ക​ൾ ക​ർ​ണാ​ട​ക ഹൈ​കോ​ട​തി​യു​ടെ പ​രി​ഗ​ണ​ന​ക്കെ​ത്തും.

കോളജിനു സമീപം ആയുധങ്ങളുമായി രണ്ടുപേർ അറസ്റ്റിൽ

ബം​ഗ​ളൂ​രു: ഉ​ഡു​പ്പി കു​ന്താ​പു​ര​യി​ലെ ഗ​വ. പി.​യു കോ​ള​ജി​നു സ​മീ​പം ആ​യു​ധ​ങ്ങ​ളു​മാ​യി ര​ണ്ടു പേ​രെ അ​റ​സ്റ്റു​​ചെ​യ്ത​താ​യി പൊ​ലീ​സ്​ അ​റി​യി​ച്ചു. ശി​രോ​വ​സ്ത്ര വി​വാ​ദ​വു​മാ​യി ബ​ന്ധ​പ്പെ​ട്ട്​ മു​സ്​​ലിം വി​ദ്യാ​ർ​ഥി​നി​ക​ൾ സ​മ​രം ന​ട​ത്തു​ന്ന കോ​ള​ജ്​ പ​രി​സ​ര​ത്തു​നി​ന്നാ​ണ്​ അ​റ​സ്റ്റ്. കു​ന്താ​പൂ​ർ ഗം​ഗൊ​ള്ളി സ്വ​ദേ​ശി​ക​ളാ​യ അ​ബ്​​ദു​ൽ മ​ജീ​ദ്​ (32), റ​ജ​ബ്​ (41) എ​ന്നി​വ​രാ​ണ്​ പി​ടി​യി​ലാ​യ​ത്.

അ​ഞ്ചു​പേ​ർ ആ​യു​ധ​വു​മാ​യി സം​ഭ​വ​സ്ഥ​ല​ത്തു​ണ്ടാ​യി​രു​ന്ന​താ​യും മൂ​ന്നു​പേ​ർ ഓ​ടി​േ​പ്പാ​യ​താ​യും പൊ​ലീ​സ്​ പ​റ​ഞ്ഞു. മ​ജീ​ദിനെതിരെ ഏ​ഴ്​ ക്രി​മ​ന​ൽ കേ​സു​ക​ളും റ​ജ​ബി​നെ​തി​രെ ഒ​രു കേ​സും നി​ല​വി​ലു​ണ്ടെന്നും പൊലീസ് പറഞ്ഞു.