ഹൈദരാബാദിൽ നിന്ന് അതിവേഗ റെയിൽ ഇടനാഴി; ബംഗളൂരുവിൽ എത്തുക വിമാന വേഗത്തിൽ

ഹൈദരാബാദ്: കേന്ദ്ര സർക്കാർ പ്രഖ്യാപിച്ച അതിവേഗ റെയിൽ ഇടനാഴി യാഥാർഥ്യമായാൽ യാത്രാ സമയം കുറയുമെന്ന് റിപ്പോർട്ട്. ഹൈദരാബാദ്-ബംഗളൂരു അതിവേഗ റെയിൽ ഇടനാഴി യാഥാർഥ്യമായാൽ ട്രെയിൽ യാത്രാ സമയം വിമാന യാത്രാ സമയത്തിന് തുല്യമാകുമെന്നാണ് വിവരം. ഹൈദരാബാദ്-ബംഗളൂരു, ഹൈദരാബാദ്-ചെന്നൈ അതിവേഗ റെയിൽ ഇടനാഴികളാണ് കേന്ദ്ര സർക്കാർ പ്രഖ്യാപിച്ചത്.

നിർദിഷ്ട ഇടനാഴികൾ ഹൈദരാബാദിൽ നിന്ന് രണ്ട് നഗരങ്ങളിലേക്കുള്ള ട്രെയിൻ യാത്രാ സമയം 10 ​​മണിക്കൂർ കുറക്കും. ഹൈദരാബാദ് വിമാനത്താവളത്തിൽ നിന്ന് ബംഗളൂരു കെംപഗൗഡ രാജ്യാന്തര വിമാനത്താവളത്തിലേക്കുള്ള വിമാന യാത്രാ സമയം നിലവിൽ 1 മണിക്കൂർ 15 മിനിറ്റ് ആണ്. സമാന വിമാന യാത്രാ സമയം തന്നെയാണ് ഹൈദരാബാദ് വിമാനത്താവളത്തിൽ നിന്നും ചെന്നൈ രാജ്യാന്തര വിമാനത്താവളത്തിലേക്കും

വിമാന സമയം കൂടാതെ, നഗര കേന്ദ്രങ്ങളിലെത്താൻ 2 മുതൽ 3 മണിക്കൂർ കൂടി എടുക്കും. ഹൈദരാബാദിൽ നിന്ന് ബംഗളൂരുവിലേക്കും ചെന്നൈയിലേക്കുമുള്ള അതിവേഗ ട്രെയിനുകൾ യഥാക്രമം 2 മണിക്കൂറും, 2 മണിക്കൂറും 20 മിനിറ്റും എടുക്കുമെന്നാണ് പ്രതീക്ഷിക്കുന്നത്. ഇത് വിമാന സമയത്തിന് തുല്യമായിരിക്കും.

നിർദിഷ്ട അതിവേഗ റെയിൽ ഇടനാഴികൾ ഹൈദരാബാദ്, ബംഗളൂരു, ചെന്നൈ എന്നിവിടങ്ങളിൽ ട്രെയിൻ യാത്രാ സമയം കുറക്കുക മാത്രമല്ല, നഗരങ്ങൾ തമ്മിലുള്ള അതിവേഗ കണക്റ്റിവിറ്റി മെച്ചപ്പെടുത്തുകയും ചെയ്യും.

അതേസമയം, മുംബൈ-അഹമ്മദാബാദ് ബുള്ളറ്റ് ട്രെയിൻ പദ്ധതിക്കായി ഗുജറാത്തിലെ സൂറത്തിൽ 100 ​​മീറ്റർ നീളമുള്ള ഉരുക്കുപാലം നിർമിച്ചു.

വെസ്റ്റേൺ റെയിൽവേയുടെ രണ്ട് ട്രാക്കുകളും ഡെഡിക്കേറ്റഡ് ഫ്രൈറ്റ് കോറിഡോർ കോർപറേഷൻ ഓഫ് ഇന്ത്യയുടെ (ഡി.എഫ്.സി.സി.ഐ.എൽ) കിമ്മിനും സയനുമിടയിലുള്ള രണ്ട് ട്രാക്കുകളും ഉൾപ്പെടെ നാല് റെയിൽവേ ട്രാക്കുകളാണ് നാഷണൽ ഹൈസ്പീഡ് റെയിൽ കോർപറേഷൻ ലിമിറ്റഡ് (എൻ.എച്ച്.എസ്.ആർ.സി.എൽ) വികസിപ്പിച്ചത്.