You are here

ഡൽഹി അണുവിമുക്​തമാക്കാൻ ജാപ്പനീസ്​ യന്തിരൻ

09:48 AM
14/04/2020
ജപ്പാനിൽനിന്നുള്ള​ ഹൈടെക്​ യന്ത്രങ്ങൾ ഉപയോഗിച്ച്​ ഡൽഹിയിലെ കോവിഡ്​ ബാധിത പ്രദേശങ്ങൾ അണുവിമുക്​തമാക്കുന്നു. മുഖ്യമന്ത്രി അരവിന്ദ് കെജ്‌രിവാൾ ട്വിറ്ററിൽ പങ്കുവെച്ച ​ചിത്രം

ന്യൂഡൽഹി: തലസ്​ഥാന നഗരി അണുവിമുക്​തമാക്കാൻ ജപ്പാനിൽനിന്നുള്ള​ ഹൈടെക്​ യന്ത്രങ്ങൾ വിന്യസിച്ചു. ആവശ്യത്തിനനുസരിച്ച്​ വലിപ്പം ക്രമീകരിക്കാവുന്നതിനാൽ ഇടുങ്ങിയ വഴികളിലൊക്കെ സഞ്ചരിച്ച്​ അണുനശീകരണം നടത്താൻ ഇതിനുകഴിയും. കോവിഡ്​ സാധ്യത കൂടിയ റെഡ്, ഓറഞ്ച് മേഖലകളിൽ ഈ യന്ത്രങ്ങളുപയോഗിച്ച്​ ശുചീകരണം തുടങ്ങിയതായി  മുഖ്യമന്ത്രി അരവിന്ദ് കെജ്‌രിവാൾ അറിയിച്ചു. 

ഡൽഹി സർക്കാറി​​െൻറ കോവിഡ്​ പ്രതിരോധ പദ്ധതിയായ ‘ഓപ്പറേഷൻ ഷീൽഡ്’ പ്രകാരം 10 ജാപ്പനീസ്​ യന്ത്രങ്ങൾ ഉൾപ്പെടെ 60 മെഷീനുകൾ ഉപയോഗിച്ചാണ്​ സാനിറ്റൈസേഷൻ നടത്തുന്നത്​. ലോകാരോഗ്യ സംഘടനയുടെ (ഡബ്ല്യു.എച്ച്.ഒ) സാനിറ്റൈസേഷൻ മാർഗ്ഗനിർദ്ദേശം അനുസരിച്ച്, ഉപരിതലങ്ങൾ അണുവിമുക്തമാക്കുന്നതിന് 0.5% സോഡിയം ഹൈപ്പോക്ലോറൈറ്റ് അടങ്ങിയ ലായനിയാണ്​ ശുപാർശ ചെയ്യുന്നത്​. ഒരു മിനിറ്റിനുള്ളിൽ കൊറോണ വൈറസിനെ ഫലപ്രദമായി നിർജ്ജീവമാക്കാൻ ഇതിലൂടെ കഴിയുമെന്ന് ഡബ്ല്യു.എച്ച്.ഒ പറയുന്നു. ദില്ലിയിൽ 1,176 കോവിഡ്​ കേസുകളാണ്​ ഇതുവരെ റിപ്പോർട്ട്​ ചെയ്​തത്. ഇതുവരെ 27 പേർ സുഖം പ്രാപിച്ചു.

Loading...
COMMENTS