ഹേമന്ത് സോറൻ ഹൈകോടതിയെ സമീപിച്ചു; ഹരജി ഉടൻ പരിഗണിക്കും

റാഞ്ചി: കള്ളപ്പണം വെളുപ്പിക്കൽ കേസുമായി ബന്ധപ്പെട്ട് ബുധനാഴ്ച രാത്രി അറസ്റ്റിലായ ഝാ​ർ​ഖ​ണ്ഡ് മുൻ മുഖ്യമന്ത്രി ഹേമന്ത് സോറൻ ഹൈകോടതിയെ സമീപിച്ചു.

എൻഫോഴ്‌സ്‌മെൻ്റ് ഡയറക്ടറേറ്റ് കോടതിയിൽ ഹാജരാക്കും മുൻപെയാണ് സോറൻ ഹൈകോടതിയിൽ ഹരജി നൽകിയത്. എന്നാൽ എന്ത് വിഷയം സംബന്ധിച്ചാണ് ഇദ്ദേഹം കോടതിയെ സമീപിച്ചത് എന്നത് സംബന്ധിച്ച് വിവരങ്ങൾ പുറത്തുവന്നിട്ടില്ല. ഹരജി ഇന്ന് രാവിലെ 10.30ന് ആക്ടിംഗ് ചീഫ് ജസ്റ്റിസ് ശ്രീ ചന്ദ്രശേഖർ, ജസ്റ്റിസ് അനുഭ റാവത്ത് ചൗധരി എന്നിവരടങ്ങിയ ബെഞ്ച് പരിഗണിക്കും.

ബുധനാഴ്ചയാണ് ഝാ​ർ​ഖ​ണ്ഡ് മു​ക്തി​ മോ​ർ​ച്ച നേതാവും മുഖ്യമന്ത്രിയുമായ ഹേമന്ത് സോറൻ രാജിവെച്ചത്. ര​ണ്ടാ​ഴ്ച​ക്കി​ടെ ര​ണ്ടാം ത​വ​ണ​യും ചോ​ദ്യം ചെ​യ്ത​തി​ന് ശേ​ഷം ക​സ്റ്റ​ഡി​യി​ലെ​ടു​ക്കു​ക​യാ​ണെ​ന്ന് ബുധനാഴ്ച ഇ.​ഡി വ്യ​ക്ത​മാ​ക്കി​യ​തോ​ടെ​യാ​ണ് ഹേ​മ​ന്ത് സോ​റ​ൻ ഗ​വ​ർ​ണ​റു​ടെ ഔ​ദ്യോ​ഗി​ക വ​സ​തി​യി​ലെ​ത്തി രാ​ജി സ​മ​ർ​പ്പി​ച്ച​ത്. ബു​ധ​നാ​ഴ്ച ക​ന​ത്ത സു​ര​ക്ഷ​യി​ൽ ആ​റു​മ​ണി​ക്കൂ​റി​ലേ​റെ ചോ​ദ്യം ചെ​യ്ത ശേ​ഷ​മാ​ണ് ഇ.​ഡി സോ​റ​നെ ക​സ്റ്റ​ഡി​യി​ലെ​ടു​ക്കു​ന്ന​താ​യി അ​റി​യി​ച്ച​ത്. രാജിയെത്തുടർന്ന്, ഹേമന്തിന്റെ വിശ്വസ്തനും ഗതാഗത മന്ത്രിയുമായ ചമ്പായി സോറനെ പിൻഗാമിയായി പ്രഖ്യാപിച്ചിരുന്നു.

അ​ന​ധി​കൃ​ത​മാ​യി ഭൂ​മി​യു​ടെ ഉ​ട​മ​സ്ഥാ​വ​കാ​ശം മാ​റ്റു​ന്ന മാ​ഫി​യ​യു​ടെ മ​റ​വി​ൽ വ​ൻ​തോ​തി​ൽ ക​ള്ള​പ്പ​ണ ഇ​ട​പാ​ട് ന​ട​ന്ന​താ​യും ഇ​തു​മാ​യി സോ​റ​ന് ബ​ന്ധ​മു​ണ്ടെ​ന്നു​മാ​ണ് ഇ.​ഡി ആ​രോ​പ​ണം. കേ​സി​ൽ മു​തി​ർ​ന്ന സ​ർ​ക്കാ​ർ ഉ​ദ്യോ​ഗ​സ്ഥ​ര​ട​ക്കം 14 പേ​ർ അ​റ​സ്റ്റി​ലാ​യി​രു​ന്നു. ജ​നു​വ​രി 20ന് ​റാ​ഞ്ചി​യി​ലെ ഔ​ദ്യോ​ഗി​ക വ​സ​തി​യി​ൽ സോ​റ​നെ ഏ​ഴു​മ​ണി​ക്കൂ​റോ​ളം ചോ​ദ്യം​ചെ​യ്തി​രു​ന്നു. വീ​ണ്ടും ഹാ​ജ​രാ​ക​ണ​മെ​ന്നാ​വ​ശ്യ​പ്പെ​ട്ട് സ​മ​ൻ​സ് അ​യ​ച്ചു. 31ന് ​റാ​ഞ്ചി​യി​ലെ വ​സ​തി​യി​ൽ ചോ​ദ്യം ചെ​യ്യ​ലാ​കാ​മെ​ന്ന് ഇ-​മെ​യി​ലി​ൽ മ​റു​പ​ടി ന​ൽ​കി.

27ന് ​രാ​ത്രി അ​ദ്ദേ​ഹം റാ​ഞ്ചി​യി​ൽ​നി​ന്ന് ഡ​ൽ​ഹി​യി​ലേ​ക്ക് തി​രി​ച്ചു. പി​ന്നാ​ലെ​യാ​ണ് ഇ.​ഡി സം​ഘം ഡ​ൽ​ഹി​യി​ലെ വ​സ​തി​യി​ലെ​ത്തി​യ​ത്. 13 മ​ണി​ക്കൂ​റോ​ളം കാ​ത്തു​നി​ന്നെ​ങ്കി​ലും സോ​റ​ൻ ഹാ​ജ​രാ​യി​ല്ല. തു​ട​ർ​ന്ന് വീ​ട്ടി​ൽ പ​രി​​ശോ​ധ​ന ന​ട​ത്തു​ക​യാ​യി​രു​ന്നു.

ഡ​ൽ​ഹി​യി​ലെ സോ​റ​ന്റെ വീ​ട്ടി​ൽ പ​രി​ശോ​ധ​ന ന​ട​ത്തി അ​പ​മാ​നി​ച്ചു​വെ​ന്നാ​രോ​പി​ച്ച് മു​തി​ർ​ന്ന ഇ.​ഡി ഉ​ദ്യോ​ഗ​സ്ഥ​ർ​ക്കെ​തി​രെ പ​ട്ടി​ക​ജാ​തി-​പ​ട്ടി​ക​വ​ർ​ഗ നി​യ​മ​പ്ര​കാ​രം റാ​ഞ്ചി​യി​ൽ​ കേ​സ് ര​ജി​സ്റ്റ​ർ ചെ​യ്തു. വീ​ട്ടി​ൽ​നി​ന്ന് 36 ല​ക്ഷ​വും ബി.​എം.​ഡ​ബ്ല്യു കാ​റും പി​ടി​ച്ചെ​ടു​ത്തു​വെ​ന്ന് ഇ.​ഡി ചൊ​വ്വാ​ഴ്ച അ​റി​യി​ച്ചി​രു​ന്നു. എ​ന്നാ​ൽ, പ​ണ​വും കാ​റും ത​ന്റേ​ത​ല്ലെ​ന്നാ​ണ് സോ​റ​ന്റെ വാ​ദം. തെ​റ്റാ​യ ആ​രോ​പ​ണം ഉ​ന്ന​യി​ച്ച് ത​ന്നെ​യും കു​ടും​ബ​ത്തെ​യും സ​മു​ദാ​യ​ത്തെ​യും അ​പ​മാ​നി​ച്ചു​വെ​ന്ന് ചൂ​ണ്ടി​ക്കാ​ട്ടി സോ​റ​ൻ ന​ൽ​കി​യ പ​രാ​തി​യി​ലാ​ണ് കേ​സെ​ടു​ത്ത​ത്.