തമിഴ്​നാട്ടിൽ രണ്ട്​ ദിവസത്തേക്ക്​ കൂടി മഴ തുടരും; ഒമ്പത്​ ജില്ലകളിൽ ​അവധി

ചെന്നൈ: തമിഴ്​നാട്ടിൽ രണ്ട്​ ദിവസത്തേക്ക്​ കൂടി മഴ തുടരുമെന്ന്​ കാലാവസ്ഥ പ്രവചനം. ബംഗാൾ ഉൾ​ക്കടലിൽ രൂപംകൊണ്ട ന്യൂനമർദം മൂലം തമിഴ്​നാട്ടിൽ വ്യാപക മഴക്ക്​ സാധ്യതയുണ്ടെന്നാണ്​ പ്രവചനം. ചെന്നൈയുടെ സമീപ പ്രദേശങ്ങളായ പുതുച്ചേരിയിലും കാരക്കലിലും മഴയുണ്ടാകുമെന്നും കാലാവസ്ഥ വകുപ്പ്​ വ്യക്​തമാക്കുന്നു.

തിരുവള്ളുർ, ചെന്നൈ, ചെങ്കൽപേട്ട്​, കാഞ്ചീപുരം, വില്ലുപുരം, ഗൂഡല്ലുർ, തഞ്ചാവർ, തിരുവാവൂർ, നാഗപട്ടണം, റാണിപേട്ട്​, വെല്ലൂർ, തിരുവണ്ണാമ​െല, കാലകുറിച്ചി, അരിയല്ലൂർ തുടങ്ങിയ സ്ഥലങ്ങളിലെ ഒറ്റപ്പെട്ട പ്രദേശങ്ങളിൽ അടുത്ത മൂന്ന്​ മണിക്കൂറിനുള്ളിൽ കനത്ത മഴയുണ്ടാകാൻ സാധ്യതയുണ്ടെന്നും കാലാവസ്ഥ വകുപ്പ്​ പ്രവചിക്കുന്നു. കഴിഞ്ഞ ശനിയാഴ്ച മുതൽ തമിഴ്​നാട്ടിലെ പല പ്രദേശങ്ങളിലും കനത്ത മഴയാണ്​ ലഭിക്കുന്നത്​. സമീപ വർഷങ്ങളിലുണ്ടായ ഏറ്റവും വലിയ മഴയാണ്​ തമിഴ്​നാട്ടിൽ പെയ്യുന്നത്​.

കനത്ത മഴയുണ്ടാകുമെന്ന മുന്നറിയിപ്പിനെ തുടർന്ന്​ ഒമ്പത്​ ജില്ലകളിൽ സംസ്ഥാന സർക്കാർ രണ്ട്​ ദിവസം അവധി പ്രഖ്യാപിച്ചിട്ടുണ്ട്​. ചെന്നൈ, കാഞ്ചീപുരം, തിരുവള്ളൂർ, ഗൂഡല്ലൂർ, ചെങ്കൽപേട്ട്​ നാഗപട്ടണം, തഞ്ചാവൂർ, തിരുവാവൂർ, മയിലാടുതുറൈ തുടങ്ങിയ ജില്ലകളിലാണ്​ അവധി പ്രഖ്യാപിച്ചത്​. മഴക്കെടുതി മൂലമുണ്ടായ ദുരിതങ്ങൾ തീരുന്നത്​ വരെ അമ്മ കാന്‍റീനിൽ നിന്ന്​ സൗജന്യമായി ഭക്ഷണം നൽകുമെന്ന്​ മുഖ്യമന്ത്രി സ്റ്റാലിൻ അറിയിച്ചു.