ഡൽഹിയിൽ ശക്​​തമായ മഴ; വിവിധയിടങ്ങളിൽ വെള്ളം കയറി

ന്യൂഡൽഹി: ഇന്ന്​ രാവിലെ ഡൽഹിയുടെ വിവിധ ഭാഗങ്ങളിലുണ്ടായ ശക്​തമായ മഴയെ തുടർന്ന താഴ്​ന്ന പ്രദേശങ്ങളിൽ വെള്ളം കയറി. റോഡുകൾ വെള്ളത്തിനടിയിൽ പെട്ട്​ പലയിടങ്ങളിലും വാഹന ഗതാഗതം സ്​തംഭിച്ചു. മണിക്കൂറുകൾ ഗതാഗതക്കുരുക്കും അനുഭവപ്പെട്ടു. ഗുഡ്​ഗാവിലെ സ്​കൂളുകൾക്ക്​ ഇന്ന്​ അവധിയും നൽകി. 

ഡൽഹി വിമാനത്താവളം, സെൻട്രൽ ഡൽഹി, ആർ.കെ പുരം, നോയിഡ, ഖാസിയാബാദ്​ എന്നിവിടങ്ങളിൽ ഇടിമിന്നലോടു കൂടിയ മഴയുണ്ടായി. ഇടി മിന്നലേറ്റ്​ മരങ്ങൾ കടപുഴകി വീണും ഗതാഗതം തടസപ്പെട്ടു. ​ൈവദ്യുത ബന്ധവും വിച്ഛേദിക്കപ്പെട്ടു. വ്യാഴാഴ്​ച വരെ ഡൽഹിയിൽ ശക്​തമായ മഴ തുടരുമെന്ന്​ കാലാവസ്​ഥാ നിരീക്ഷണ കേന്ദ്രം അറിയിച്ചു. കഴിഞ്ഞ ദിവസം 33 ഡിഗ്രി സെൽഷ്യസ്​ ആയിരുന്ന അന്തരീക്ഷ താപനില ഇന്ന്​ 26 ഡിഗ്രിയായി കുറഞ്ഞു. 

ഉത്തരാഖണ്ഡ്​, ഹരിയാന, ചണ്ഡീഗഡ്​, ഡൽഹി, ഉത്തർ പ്രദേശ്​, ഇൗസ്​റ്റ്​ രാജസ്​ഥാൻ, മധ്യപ്രദേശ്​, ഛത്തീസ്​ഗഡ്​, മഹാരാഷ്​ട്രയിലെ വിദർഭ മേഖല, പശ്​ചിമബംഗാളിലെ സബ്​ ഹിമാലയൻ മേഖല, സിക്കിം, നാഗാലാൻറ്​, മണിപ്പൂർ, മിസോറാം, ത്രിപുര, കൊങ്കൺ തീരം, ഗോവ, തെലങ്കാന, കർണാടകൻ തീരപ്രദേശങ്ങൾ എന്നിവിടങ്ങിളിൽ ശക്​തമായ മഴക്ക്​ സാധ്യതയുണ്ടെന്ന്​ കാലാവസ്​ഥാ നിരീക്ഷണ കേന്ദ്രം അറിയിച്ചു.