ചെന്നൈയിലും മൂടൽ മഞ്ഞ്​; വ്യോമഗതാഗതം താളംതെറ്റി

ചെന്നൈ: തുടർച്ചയായ രണ്ടാം ദിവസവും മൂടൽ മഞ്ഞ്​ മൂലം ചെന്നൈയിലെ വ്യോമഗതാഗതം താളംതെറ്റി. കാഴ്​ചകുറവ്​ മൂലം 10 വി മാനങ്ങൾ വൈകുകയും അഞ്ചെണ്ണം വഴി തിരിച്ച്​ വിടുകയും ചെയ്​തു.

നാല്​ വിമാനങ്ങൾ ഹൈദരാബാദിലേക്കും ഒരെണ്ണം തിരുച്ചിറപ്പള്ളിയിലേക്കുമാണ്​ വഴിതിരിച്ച്​ വിട്ടത്​. ചെന്നൈയിൽ വടക്ക്​-കിഴക്കൻ മൺസൂണും തുടരുന്നുണ്ട്​. ജനുവരി നാല്​ വരെ ഇതേ കാലാവസ്ഥ തുടരാനാണ്​ സാധ്യത.

ഇൻഡിഗോ, സ്​പൈസ്​ജെറ്റ്​ തുടങ്ങിയ വിമാന കമ്പനികളെല്ലാം സർവീസുകൾ വൈകുമെന്ന്​ ട്വിറ്ററിലൂടെ അറിയിച്ചു. യാത്രക്കെത്തുന്നതിന്​ മുമ്പ്​ ഫ്ലൈറ്റ്​ ഷെഡ്യുൾ പരിശോധിക്കണമെന്ന്​ കമ്പനികൾ വ്യക്​തമാക്കി.