കേന്ദ്ര ആരോഗ്യ സെക്രട്ടറിക്കും കോവിഡ്​

ന്യൂഡൽഹി: കേന്ദ്ര ആരോഗ്യ സെക്രട്ടറി രാജേഷ്​ ഭൂഷണ്​ കോവിഡ്​. മഹാമാരി രാജ്യത്ത്​ അപകടകരമായ രീതിയിൽ പടരുന്നതിനിടയിലാണ്​ കേന്ദ്ര ആരോഗ്യ സെക്രട്ടറിയും രോഗത്തിന്‍റെ പിടിയിലായത്​.

മുതിർന്ന ഐ.എ.എസ്​ ഉദ്യോഗസ്​ഥനായ രാജേഷ്​ ഭൂഷൺ കഴിഞ്ഞ വർഷം ജൂലൈയിലാണ്​ പുതിയ ഹെൽത്ത്​ സെക്രട്ടറിയായി നിയമിതനായത്​. കൊറോണയുടെ ആദ്യഘട്ട വ്യാപനത്തിനിടെയാണ്​ പ്രീതി സുദാനെ മാറ്റി രാജേഷ്​ ഭൂഷണെ നിയമിച്ചത്​. ബിഹാർ കേഡറിൽനിന്നുള്ള 1987 ബാച്ച്​ ഐ.എ.എസ്​ ഓഫിസറാണ്​.