കോവിഡ്​ വാക്​സിൻ സർട്ടിഫിക്കറ്റിലെ മോദിയുടെ പേരിന്​ തെരഞ്ഞെടുപ്പുള്ള സംസ്​ഥാനങ്ങളിൽ 'മാസ്​കിടും'

ന്യുഡൽഹി: കോവിഡ്​ വാക്​സിൻ സ്വീകരിച്ചവർക്ക്​ കേന്ദ്ര ആഭ്യന്തര മന്ത്രാലയം നൽകുന്ന രേഖയിൽ പ്രധാനമന്ത്രി നരേന്ദ്ര മോദിയുടെ ചിത്രം പതിക്കുന്നതിനെതിരെ വ്യാപക വിമർശനമുയർന്ന സാഹചര്യത്തിൽ തത്​കാലം തെരഞ്ഞെടുപ്പ്​ നടക്കുന്ന സംസ്​ഥാനങ്ങളിൽ അവ മറച്ചുവെക്കും. വാക്​സിൻ സർട്ടിഫിക്കറ്റുകളിൽ മോദിയുടെ ചിത്രം പതിക്കുന്നത്​ ഒഴിവാക്കാൻ നേരത്തെ കമീഷൻ കേന്ദ്രത്തിന്​ നിർദേശം നൽകിയിരുന്നു.

കൃത്യമായ തെര​ഞ്ഞെടുപ്പ്​ പ്രചാരണത്തിന്‍റെ ഭാഗമായാണ്​ വാക്​സിൻ സർട്ടിഫിക്കറ്റുകളിൽ മോദിയുടെ ചിത്രം പതിക്കുന്നതെന്ന്​ നേരത്തെ പശ്​ചിമ ബംഗാളിലെ ഭരണകക്ഷിയായ തൃണമൂൽ കോൺഗ്രസ്​ ആരോപിച്ചിരുന്നു. ഇത്​ പരിഗണിച്ചാണ്​ തെരഞ്ഞെടുപ്പ്​ കമീഷൻ നിർദേശം.